ଗୋବିନ୍ଦ ସାହୁର ଜାମିନ ଶୁଣାଣି ଘୁଞ୍ଚିଲା
ଗୋବିନ୍ଦ ସାହୁର ଜାମିନ ଶୁଣାଣି ଘୁଞ୍ଚିଲା
admin
3655
ଭୁବନେଶ୍ୱର: ବହୁ ଚର୍ଚ୍ଚିତ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ଜାମିନ ଶୁଣାଣି ଘୁଞ୍ଚିଛି । କଣ୍ଟାବାଞ୍ଜି ଏଡିଜେ କୋର୍ଟରେ ଜାମିନ ଆବେଦନର ଶୁଣାରି ଘୁଞ୍ଚିଛି । ତେବେ ପରବର୍ତ୍ତୀ ଶୁଣାଣି ପାଇଁ କୋର୍ଟ ତାରିଖ ଘୋଷଣା କରିନାହାନ୍ତି । ପୂର୍ବରୁ ବଙ୍ଗୋମୁଣ୍ଡା ଜେଏମଏଫସି କୋର୍ଟରେ ଗୋବିନ୍ଦର ଜାମିନ ଖାରଜ ହୋଇଥିଲା ।
ଡିସେମ୍ବର ୩ ତାରିଖ ହାଇକୋର୍ଟରେ ମମିତା ହତ୍ୟାକାଣ୍ଡର ଷ୍ଟାଟସ୍ ରିପୋର୍ଟ ବଲାଙ୍ଗୀର ପୁଲିସ ଦାଖଲ କରିଥିଲା । ନ୍ୟାୟିକ ପ୍ରକ୍ରିୟାରେ ଜାମିନ ପାଇବାକୁ ଗୋବିନ୍ଦର ଓକିଲ କଣ୍ଟାବାଞ୍ଜି ଏଡିଜେ କୋର୍ଟରେ ଜାମିନ ଆବେଦନ କରିଥିଲେ ।
କୋର୍ଟ ଆବେଦନକୁ ଗ୍ରହଣ କରି ଆଜି ଶୁଣାଣି ପାଇଁ ଦିନ ଧାର୍ୟ୍ୟ ହୋଇଥିଲା । ସୁଚନା ଅନୁସାରେ ପୁଲିସ ସାକ୍ଷ୍ୟ ପ୍ରମାଣ ଯୋଗାଡ଼ରେ ଲାଗିଥିବାବେଳେ ଏପଟେ ମାମଲାର ମୁଖ୍ୟ ଅଭିଯୁକ୍ତ କଣ୍ଟାବାଞ୍ଜି ଗୋବିନ୍ଦ ସାହୁ ଜେଲ୍ରେ ଅଛି ।
ମମିତା ହତ୍ୟା ମାମଲାରେ ଏବେବି ପୁଲିସ ତଦନ୍ତକୁ ଜାରି ରଖିଛି। ଏହି ମାମଲାରେ ଏଯାଏ ପ୍ରାୟ ୧୨ ଜଣଙ୍କ ୧୬୪ ବୟାନ ରେକର୍ଡ କରାଯାଇଛି। କିଛିଦିନ ତଳେ ଜେଲ୍ରୁ ଗୋବିନ୍ଦର ହସ୍ତାକ୍ଷର ପୁଲିସ ସଂଗ୍ରହ କରିଥିଲା।
