ଗୋଇଠା ମାରି ଗର୍ଭ ନଷ୍ଟ କରିବା ମାମଲାରେ ଜେଲ ଗଲା ସ୍ୱାମୀ
ଗୋଇଠା ମାରି ଗର୍ଭ ନଷ୍ଟ କରିବା ମାମଲାରେ ଜେଲ ଗଲା ସ୍ୱାମୀ
admin
6701
ଧଉଳି: ପାରିବାରିକ କଳହକୁ କେନ୍ଦ୍ର କରି ଗର୍ଭବତୀ ପତ୍ନିର ପେଟକୁ ଗୋଇଠା ମାରି ଗର୍ଭ ନଷ୍ଟ କରିବା ମାମଲାରେ ଉତ୍ତରାଫାଣ୍ଡି ପୁଲିସ ସମ୍ପୃକ୍ତ ସ୍ୱାମୀକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ହେଲା ଉତ୍ତରାଫାଣ୍ଡି ଅଧୀନ ମଧୁପୁର ଗ୍ରାମର ବସନ୍ତ କୁମାର ଜେନା (୩୮) । କୋର୍ଟରେ ବସନ୍ତର ଜାମିନ ନାମଞ୍ଜୁର ହେବାରୁ ତାକୁ ନିମାପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଏ ନେଇ ପିପିଲି ଥାନାରେ ୫୭/୨୦ରେ ମାମଲା ରୁଜୁ ହୋଇଥିଲା । ମାମଲା ରୁଜୁ ହେବାର ଦୀର୍ଘ ୧୦ ମାସ ପରେ ଉତ୍ତରାଫାଣ୍ଡି ପୁଲିସ ବସନ୍ତକୁ ଗିରଫ କରିଥିଲା । ସୂଚନା ଅନୁଯାୟୀ ଉତ୍ତରାଫାଣ୍ଡି ଅଞ୍ଚଳର ବସନ୍ତ ୨୦୧୦ ରେ ସହିଦନଗର ଥାନା ଅଧୀନ ସତ୍ୟକାଳୀ ବସ୍ତିର ରାଜଲକ୍ଷ୍ମୀ ଜେନା (୩୩)କୁ ବିବାହ କରିଥିଲା । ଗତବର୍ଷ ଫେବୃୟାରୀ ମାସରେ ବସନ୍ତ ଓ ରାଜଲକ୍ଷ୍ମୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏଥିରେ ରାଗିଯାଇ ବସନ୍ତ ଗର୍ଭବତୀ ଥିବର ରାଜଲକ୍ଷ୍ମୀଙ୍କ ପେଟକୁ ଗୋଇଠା ମାରିଥିବା ନେଇ ଅଭିଯୋଗ ହୋଇଥିଲା । ଫଳରେ ରାଜଲକ୍ଷ୍ମୀଙ୍କ ଗର୍ଭନଷ୍ଟ ହୋଇଯାଇଥିଲା ।
