ଗାଭାସ୍କରଙ୍କୁ ବି ଛାଡ଼ିଲେନି କଙ୍ଗନା

Sep 27, 2020 - 12:15 Updated: Sep 27, 2020 - 12:15

5841

ମୁମ୍ବାଇ : ପ୍ରତିଦିନ ସୁପରଷ୍ଟାର ଓ ରାଜନେତାଙ୍କୁ ଟାର୍ଗେଟ କରି ଆସୁଥିବା କଙ୍ଗନା ରାନାୱତ କ୍ରିକେଟ କିମ୍ବଦନ୍ତୀ ସୁନୀଲ ଗାଭାସ୍କରଙ୍କୁ ବି ଛାଡ଼ିନାହାନ୍ତି । ବିରାଟଙ୍କ ସମ୍ପର୍କରେ ଗାଭାସ୍କର ଦେଇଥିବା ହାଲକା ଟିପ୍ପଣୀକୁ ନେଇ ସମାଲୋଚନା କରିଛନ୍ତି କଙ୍ଗନା । କି୍ରକେଟ ଧାରା ବିବରଣୀ ଦେଉଥିବା ବେଳେ ଅଭିନେତ୍ରୀ ଅନୁଷ୍କା ଶର୍ମାଙ୍କ ନାମକୁ ଉଠାଇବାକୁ ନେଇ କିମ୍ବଦନ୍ତୀ କି୍ରକେଟର ସୁନୀଲ ଗାଭାସ୍କରଙ୍କୁ କଡ଼ା ସମାଲୋଚନାର ସମ୍ମୁଖୀନ ହେବାକୁ ପଡ଼ିଛି । ଇଣ୍ଡିଆନ ପି୍ରମିୟର ଲିଗ (ଆଇପିଏଲ) ରେ କିଙ୍ଗ ଏକାଦଶ ପଞ୍ଜାବ ବିପକ୍ଷରେ ବିରାଟ କୋହଲିଙ୍କ ଧିମା ପ୍ରଦର୍ଶନକୁ ନେଇ ଗାଭାସ୍କର କହିଥିଲେ ଲକଡାଉନରେ କୋହଲି କେବଳ ଅନୁଷ୍କାଙ୍କ ବୋଲିଂର ସମ୍ମୁଖୀନ ହୋଇଥିଲେ । ଏହାକୁ ନେଇ ବିଭିନ୍ନ ମହଲରେ ତାଙ୍କୁ କଡ଼ା ସମାଲୋଚନା କରାଯାଇଥିବା ବେଳେ ଅଭିନେତ୍ରୀ କଙ୍ଗନା ରାଣାୱତ ବି ଏଥିରେ ସାମିଲ ହୋଇଛନ୍ତି । କଙ୍ଗନା କହିଛନ୍ତି, ଜଣେ ମହିଳାଙ୍କ ସମ୍ପର୍କରେ ଜାତୀୟ ଗଣମାଧ୍ୟମରେ ଏଭଳି ମନ୍ତବ୍ୟ ଦେବା ଅତନ୍ତ୍ୟ ଲଜ୍ଜାଜନକ । ଏଥିସହ ଅନୁଷ୍କାଙ୍କ ଉପରେ ବର୍ଷିଛନ୍ତି କଙ୍ଗନା । ସେ କହିଛନ୍ତି ମତେ ଯେତେବେଳେ ‘ହାରାମଖୋର ଲଡକି’ କହି ଅପମାନିତ କରାଯାଇଥିଲା, ସେତେବେଳେ ଅନୁଷ୍କା ମୁହଁ ଖୋଲି ନଥିଲେ । ଚୁପ୍ ରହିଲେ ।