କନ୍ୟା ସନ୍ତାନର ଫଟୋ ସେୟାର କଲେ ମିଷ୍ଟର ୩୬୦
କନ୍ୟା ସନ୍ତାନର ଫଟୋ ସେୟାର କଲେ ମିଷ୍ଟର ୩୬୦
admin
4598
ନୂଆଦିଲ୍ଲୀ : ବିଶ୍ୱ କ୍ରିକେଟର ମିଷ୍ଟର ୩୬୦ ଡିଗ୍ରୀ ଭାବରେ ପରିଚିତ ଏ ବି ଡିଭିଲିୟର୍ସ ନିଜ କନ୍ୟା ସନ୍ତାନର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ୧୧ ତାରିଖରେ ତୃତୀୟ ଥର ପାଇଁ ଏହି ପୂର୍ବତନ ଦକ୍ଷିଣ ଆଫ୍ରିକୀୟ ଖେଳାଳି ପିତୃତ୍ୱ ଲାଭ କରିଥିଲେ । ଗୁରୁବାର ଇନଷ୍ଟାଗ୍ରାମ ଜରିଆରେ ନିଜ ପତ୍ନୀ ଓ ଝିଅର ଫଟୋ ସେୟାର କରିଛନ୍ତି ଡିଭିଲିୟର୍ସ ।
ପତ୍ନୀ ଓ ଝିଅ ସହିତ ନିଜର ସେଲ୍ଫି ପୋଷ୍ଟ କରିବା ସହିତ ଝିଅ ୟେଣ୍ଟେ ଡିଭିଲିୟର୍ସକୁ ପରିବାରକୁ ସ୍ୱାଗତ କରିଛନ୍ତି ଏହି ଦମ୍ପତ୍ତି । ‘ୟେଣ୍ଟେ ଡିଭିଲିୟର୍ସ ତୁମେ ଆମ ପରିବାର ସହ ଯୋଡି ହୋଇଥିବା ଶ୍ରେଷ୍ଠ ଜିନିଷ । ତୁମକୁ ପାଇଁ ଆମେ ସବୁଠୁ ଅଧିକ ଖୁସି’ । ୨୦୧୩ରେ ବିବାହ କରିଥିବା ଡିଭିଲିୟର୍ସଙ୍କର ପୂର୍ବରୁ ଦୁଇ ଜଣ ସନ୍ତାନ ରହିଛନ୍ତି ।
ଚଳିତ ସିଜିନର ଆଇପିଏଲରେ ଡିଭିଲିୟର୍ସଙ୍କ ପ୍ରଦର୍ଶନ ଚମକ୍ରାର ରହିଥିଲା । ୧୫ ଟି ମ୍ୟାଚରୁ ୪୫୪ ରନ ସଂଗ୍ରହ କରିଥିଲେ ମଧ୍ୟ ଦଳ ଏଲିମିନେଟରରୁ ବିଦାୟ ନେଇଥିଲା । ଡିଭିଲିୟର୍ସଙ୍କ ଆରସିବି ଟିମମେଟ ବିରାଟ କୋହଲି ଆସନ୍ତା ଜାନୁୟାରୀରେ ପ୍ରଥମ ଥର ପିତୃତ୍ୱ ଲାଭ କରିବାକୁ ଯାଉଛନ୍ତି ।
