କ୍ୟାବିନେଟ ନିଷ୍ପତି : ଚାଷୀଙ୍କ ପାଇଁ ଆସିବ ଏହି ଅଧ୍ୟାଦେଶ
କ୍ୟାବିନେଟ ନିଷ୍ପତି : ଚାଷୀଙ୍କ ପାଇଁ ଆସିବ ଏହି ଅଧ୍ୟାଦେଶ
admin
3311
କୋଭିଡ଼ ୧୯ ମହାମାରୀ ଯୋଗୁଁ କୃଷକଙ୍କୁ ତୁରନ୍ତ ଲାଭ ଦେବା ପାଇଁ କୃଷି ଉପôାଦନ ଏବଂ ପଶୁପାଳନ ମାର୍କେଟିଂ (ପ୍ରୋତ୍ସାହନ ଓ ସୁଯୋଗ) ତୃତୀୟ ଅଧିନିୟମ ନାମରେ ଏକ ନିୟମ ଆଣିବାକୁ ରାଜ୍ୟ ସରକାର ଚାହୁଁଛନ୍ତି । ପ୍ରସ୍ତାବିତ ଅଧ୍ୟାଦେଶରେ ରାଜ୍ୟସ୍ତରୀୟ ଏକକ ବଜାର ଗଠନ କରାଯିବ । ଯାହାଫଳରେ କୃଷକମାନଙ୍କ ଉପôାଦନ ପାଇଁ ବଜାର ମଧ୍ୟରେ ପ୍ରତିଯୋଗିତା ବୃଦ୍ଧି ପାଇବ । କୃଷକମାନଙ୍କୁ ଉନ୍ନତ ବଜାର ପ୍ରବେଶ ସହ ସଂଯୋଗ ଯୋଗାଇବା ପାଇଁ ଗୋଦାମ ଓ ଶୀତଳ ଭଣ୍ଡାର କରାଯିବ । ସାରା ରାଜ୍ୟକୁ ଏନଫୋର୍ସମେଂଟ ଏରିଆ ଭାବେ ଘୋଷଣା କରାଯିବା ସହ ମାର୍କେଟ କମିଟିର ସଦସ୍ୟ ଚୟନ ଉଦେ୍ଧଶ୍ୟରେ ଭୌଗୋଳିକ କ୍ଷେତ୍ରକୁ ବିସ୍ତୃତ ବଜାର କ୍ଷେତ୍ର ଭାବେ ପୃଥକ କରାଯିବ । ସେହିପରି ଇ-ବାଣିଜ୍ୟକୁ ପ୍ରୋତ୍ସାହିତ କରିବାର ବି ବ୍ୟବସ୍ଥା ରହିବ । ଏହାଛଡ଼ା ରାଜ୍ୟବ୍ୟାପୀ ଏକକ ପଏଂଟ ଆଦାୟ ଓ ଏକକ ବାଣିଜି୍ୟକ ଲାଇସେନ୍ସ ପ୍ରଦାନ କରାଯିବ । କୃଷିଜାତ ଦ୍ରବ୍ୟ ବିକ୍ରୟ ଉପରେ ଭୌଗୋଳିକ ପ୍ରତିବନ୍ଧକ ହଟାଇବା ଓ ଉପôାଦକମାନଙ୍କୁ ରାଜ୍ୟର ଯେକୌଣସି ସ୍ଥାନରେ ବିକ୍ରୟ ପାଇଁ ଅନୁମତି ମିଳିପାରିବ । ସେହିପରି ସର୍ଟିଂ, ଗ୍ରେଡ଼ିଂ, ପ୍ୟାକିଂ, ବୈଜ୍ଞାନିକ ସଂରକ୍ଷଣ ଓ ଗୋଦାମ ଘର ସହ ଆଧୁନିକ ଭିତିଭୂମି ପାଇଁ ବ୍ୟବସ୍ଥା କରିବାକୁ ଅଧିନିୟମରେ ପ୍ରସ୍ତାବ ରହିଛି । ରାଜ୍ୟରେ କୃଷି ମାର୍କେଟିଂ ଓ ରାଜ୍ୟ ବଜାର କମିଟିର ଉନ୍ନତ ପରିଚାଳନା ପାଇଁ କୃଷି ମାର୍କେଟିଂ ସେବା ଗଠନର ପ୍ରାବଧାନ କରାଯାଇଛି ।
