କ୍ଷତିଗ୍ରସ୍ତଙ୍କ ପାଇଁ ସ୍ୱତନ୍ତ୍ର ପ୍ୟାକେଜ୍, ଉଠାଦୋକାନୀଙ୍କୁ ୩୦ ହଜାର, ସ୍ଥାୟୀ ବ୍ୟବସାୟୀଙ୍କୁ ବର୍ଷେ ଯାଏ ମାସିକ ୧୦ ହଜାର
କ୍ଷତିଗ୍ରସ୍ତଙ୍କ ପାଇଁ ସ୍ୱତନ୍ତ୍ର ପ୍ୟାକେଜ୍, ଉଠାଦୋକାନୀଙ୍କୁ ୩୦ ହଜାର, ସ୍ଥାୟୀ ବ୍ୟବସାୟୀଙ୍କୁ ବର୍ଷେ ଯାଏ ମାସିକ ୧୦ ହଜାର
admin
3282
ଭୁବନେଶ୍ୱର - ବିକାଶ ପ୍ରକଳ୍ପ ପାଇଁ ଉଚ୍ଛେଦରେ କ୍ଷତିଗ୍ରସ୍ତଙ୍କ ପାଇଁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସ୍ୱତନ୍ତ୍ର ପ୍ୟାକେଜ ଘୋଷଣା କରିଛନ୍ତି । ଉଚ୍ଛେଦ ପ୍ରକି୍ରୟାରେ ଏଯାଏଁ ପାଖାପାଖି ୧୫୬ ଉଠା ଓ ସ୍ଥାୟୀ ଦୋକାନ କ୍ଷତିଗ୍ରସ୍ତ ହେଲେଣି । ଆହୁରି ଶତାଧିକ ଦୋକାନୀ ଉଚ୍ଛେଦ ହେବେ । ଏଥିରେ କ୍ଷତିଗ୍ରସ୍ତ ଦୋକାନୀଙ୍କ ଜୀବନ ଜୀବିକା କଥା ବିଚାର କରିଛନ୍ତି ମୁଖ୍ୟମନ୍ତ୍ରୀ । କ୍ଷତିଗ୍ରସ୍ତ ଉଠା ଦୋକାନୀଙ୍କୁ ଏକକାଳୀନ ୩୦ ହଜାର ଟଙ୍କା ୨ଟି କିସ୍ତିରେ ଦିଆଯିବ । ସେମାନଙ୍କ ପାଇଁ ସ୍ୱତନ୍ତ୍ର ଭେଣ୍ଡିଂଜୋନ୍ ନିର୍ମାଣ କରାଯାଇ ସେଥିରେ ଥଇଥାନ କରାଯିବ ।
ସେହିଭଳି ପକ୍କା ଘରେ ଥିବା ଦୋକାନ ଉଚ୍ଛେଦ କ୍ଷେତ୍ରରେ ସମ୍ପୃକ୍ତ ବ୍ୟବସାୟୀଙ୍କୁ ମାସିକ ୧୦ ହଜାର ଟଙ୍କା ୧୨ ମାସ ପର୍ଯ୍ୟନ୍ତ ଦିଆଯିବ । ପରବର୍ତ୍ତୀ ସମୟରେ ବିଏମ୍ସି ପର୍ଯ୍ୟଟନ ବିଭାଗ ପକ୍ଷରୁ ନବ ନିର୍ମିତ ମାର୍କେଟ କମ୍ପ୍ଳେକ୍ସ କିମ୍ବା ସେମାନଙ୍କ ପାଇଁ ନୂଆ ମାର୍କେଟ କମ୍ପ୍ଲେ୍କ୍ସ ର୍ନିାମରଣ ହୋଇ ସେଥିରେ ସମସ୍ତଙ୍କ ଥଇଥାନ କରାଯିବ । ଅନୁରୂପ ଭାବେ ସ୍ଥିତିବାନ ଜମି ସତ୍ତ୍ୱାଧୀକାରୀଙ୍କୁ ଗୃହ ଉଚ୍ଛେଦ କ୍ଷେତ୍ରରେ କ୍ଷତିଗ୍ରସ୍ତଙ୍କ କଥା ବିଚାରକୁ ନିଆଯିବ । ସେମାନଙ୍କ ସହିତ ଆଲୋଚନା କରାଯାଇ ବିଧିବ୍ୟବସ୍ଥା ଅନୁସାରେ କ୍ଷତିପୂରଣ ଦିଆଯିବ ବୋଲି ମୁଖ୍ୟମନ୍ତ୍ରୀ ଆଶ୍ୱାସନା ଦେଇଛନ୍ତି ।
