କୋର୍ଟରେ ହାଜର ହେଲେ ଅନୁଭବ
କୋର୍ଟରେ ହାଜର ହେଲେ ଅନୁଭବ
admin
4843
କଟକ : ଅଭିନେତ୍ରୀ ବର୍ଷା ପ୍ରିୟଦର୍ଶୀନି ଏବଂ ଅଭିନେତା/ସାଂସଦ ଅନୁଭବ ମହାନ୍ତିଙ୍କ ଛାଡପତ୍ର ମାମଲାରେ କୋର୍ଟରେ ହାଜର ହୋଇଛନ୍ତି ଅନୁଭବ । ବର୍ଷା ପ୍ରିୟଦର୍ଶିନୀଙ୍କ ପକ୍ଷରୁ ଦାଖଲ କରାଯାଇଥିବା ଘରୋଇ ହିଂସା ମାମଲାରେ ଅନୁଭବ ଓକିଲଙ୍କ ଜରିଆରେ ଉତ୍ତର ରଖିଛନ୍ତି । ଏହା ସହିତ ଉତ୍ତର ରଖିବା ପାଇଁ ସମୟ ମଧ୍ୟ ମାଗିଛନ୍ତି ଅନୁଭବ । ଆସନ୍ତା ମାସର ୧୮ ତାରିଖରେ ମାମଲାର ପରବର୍ତ୍ତୀ ଶୁଣାଣି ପାଇଁ ତାରିଖ ଧାର୍ଯ୍ୟ କରିଛନ୍ତି କୋର୍ଟ ।
ଓଲିଉଡର ଏହି ଷ୍ଟାର ଦମ୍ପତ୍ତିଙ୍କ ଛାଡପତ୍ରକୁ ନେଇ ବର୍ଷା କଟକ ସ୍ଥିତ ଦୌରାଜଜଙ୍କ ନିକଟରେ ମାମଲା ରୁଜୁ କରିଥିଲେ । ଏହାପରେ ଅନୁଭବ ଦିଲ୍ଲୀସ୍ଥିତ ପଟିଆଲା ହାଉସ କୋର୍ଟରେ ମାମଲା ଦାୟର କରିଥିବା ଜଣାପଡିଥିଲା । ଉଭୟ ପରସ୍ପର ବିରୋଧରେ ବୟାନ ପ୍ରଦାନ କରିବାରେ ନ୍ୟସ୍ତ ରହିଥିଲେ । ସୋସିଆଲ ମିଡିଆରେ ପରସ୍ପର ପ୍ରତି ଅପମାନ ସୂଚକ ମନ୍ତ୍ୟ ଦେଉଥିଲେ । ବର୍ଷା ଏବଂ ସେ ସ୍ୱାମୀ ସ୍ତ୍ରୀ ପରି ଚଳୁନଥିବା ନେଇ ଅନୁଭବ ଅଭିଯୋଗ କରିଥିଲେ । ସେହିପରି ଅନୁଭବ ମଦ ପିଇ ତାଙ୍କୁ ମାଡ ମାରିବା ସହିତ ନିର୍ଯାତନା ଦେଉଥିଲେ ବୋଲି ବର୍ଷା ଅଭିଯୋଗ କରିଥିଲେ । ଏହାପରେ ସର୍ବୋଚ୍ଚକୋର୍ଟଙ୍କ ତତ୍ତ୍ୱାବଧାନରେ ଉଭୟଙ୍କ ମଧ୍ୟରେ ଆପୋଷ ସମାଧାନର ପ୍ରୟାସ କରାଯାଇଥିଲା । ଆସନ୍ତା ମାସର ୧୮ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ ।
