କରୋନା ସଂକ୍ରମିତଙ୍କ ଘର ସମ୍ମୁଖରେ ଲାଗିବନି ପୋଷ୍ଟର
କରୋନା ସଂକ୍ରମିତଙ୍କ ଘର ସମ୍ମୁଖରେ ଲାଗିବନି ପୋଷ୍ଟର
admin
3770
ଭୁବନେଶ୍ୱର: ଏଣିକି କରୋନା ସଂକ୍ରମିତଙ୍କ ଘର ସମ୍ମୁଖରେ କୋଭିଡ-୧୯ ପୋଷ୍ଟର ଲଗାଯିବ ନାହିଁ । ରାଜ୍ୟରେ କରୋନା ସଂକ୍ରମଣ ହ୍ରାସକୁ ଦେଖି ସ୍ୱାସ୍ଥ୍ୟ ବିଭାଗ ପକ୍ଷରୁ ଏଭଳି ନିଷ୍ପିତି ନିଆଯାଇଛି । ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସବୁ ଜିଲ୍ଲାପାଳ, ମୁ୍ୟନିସିପାଲ କମିସନର ଓ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀଙ୍କୁ ଏ ନେଇ ପତ୍ର ଲେଖିଛନ୍ତି । ସଂକ୍ରମିତଙ୍କ ସଂଖ୍ୟାରେ ହ୍ରାସ ହେବା ଯୋଗୁଁ ଏଭଳି ପୋଷ୍ଟର ଲଗାଯିବାର ଆବଶ୍ୟକତା ନାହିଁ ବୋଲି ଶ୍ରୀ ମହାପାତ୍ର ଉଲ୍ଲେଖ କରିଛନ୍ତି । ରାଜ୍ୟରେ ଗତ ମାର୍ଚ୍ଚ ମାସରେ କରୋନା ସଂକ୍ରମଣ ଆରମ୍ଭ ହେବା ପରେ ଲୋକମାନେ ସଙ୍ଗରୋଧ ନିୟମକୁ ଖିଲାପ କରୁଥିବା ନଜରକୁ ଆସିଥିଲା । ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ସଙ୍ଗରୋଧରେ ରହୁଥିବା ଲୋକଙ୍କ ଘର ଆଗରେ ଏଭଳି ଏକ ପୋଷ୍ଟର ଲଗାଇବା ଲାଗି ନିଷ୍ପତ୍ତି ନେଇଥିଲେ । ଏଥିରେ ସଙ୍ଗରୋଧରେ ଅବଧି, ସମ୍ପୃକ୍ତ ବ୍ୟକ୍ତିଙ୍କ ନାମ ଓ ଅନ୍ୟ ସୂଚନା ଦିଆଯାଉଥିଲା ।
