କରୋନା ନେଇ ୧୭ ମାର୍ଚ୍ଚରେ ମୋଦି କରିପାରନ୍ତି ବଡ଼ ଘୋଷଣା
କରୋନା ନେଇ ୧୭ ମାର୍ଚ୍ଚରେ ମୋଦି କରିପାରନ୍ତି ବଡ଼ ଘୋଷଣା
admin
3909
ନୂଆଦିଲ୍ଲୀ : ସମ୍ପ୍ରତି ଦେଶରେ କରୋନାର ଦ୍ୱିତୀୟ ଲହର ଆରମ୍ଭ ହୋଇଯାଇଛି । ଗୋଟିଏ ପଟେ ଟୀକା ଦାନ ଜୋର ଧରିଥିବାବେଳେ ଅପରପକ୍ଷରେ କେତେକ ରାଜ୍ୟରେ କରୋନା ସଂକ୍ରମଣ ବୃଦ୍ଧି ଏବେ ଚିନ୍ତାର କାରଣ ପାଲଟିଛି । ବିଶେଷକରି ୭ ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଇଛି । ଏହା ଏବେ ମୋଦି ସରକାରଙ୍କ ମୁଣ୍ଡବ୍ୟଥାର କାରଣ ପାଲଟିଛି । ତେବେ କରୋନାର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ୱରିତ ପଦକ୍ଷେପ ଗ୍ରହଣ କରିବାକୁ ଯୋଜନା କରିଛନ୍ତି ।
ମିଳିଥିବା ସୂଚନାନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମସ୍ତ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରିବେ । ମାର୍ଚ୍ଚ ୧୭ ଦିନ ୧୨ଟା ୩୦ରେ ପ୍ରଧାନମନ୍ତ୍ରୀ ଭର୍ଚୁଆଲ ବୈଠକରେ ମୁଖ୍ୟମନ୍ତ୍ରୀମାନଙ୍କ ସହ କରୋନା ସ୍ଥିତି ସଂକ୍ରାନ୍ତରେ ସବିଶେଷ ଆଲୋଚନା ପର୍ଯ୍ୟାଲୋଚନା କରିବେ । ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରିବା ପରେ ପ୍ରଧାନମନ୍ତ୍ରୀ ଏସଂକ୍ରାନ୍ତରେ କିଛି ଘୋଷଣା କରିପାରିବେ ବୋଲି ଆକଳନ କରାଯାଉଛି । ତେବେ ଲକଡାଉନ କିମ୍ବା ସଟଡାଉନ ଦ୍ୱାରା ଅର୍ଥନୀତି ପ୍ରଭାବିତ ହେବାର ଥିବାରୁ ଏଭଳି ବଡ଼ ପଦକ୍ଷେପ ନେବାର ସମ୍ଭାବନା ନାହିଁ । ବରଂ ସରକାର ଟୀକାଦାନ ପ୍ରକ୍ରିୟାକୁ ଆହୁରି ଗତିଶୀଳ କରିବେ ବୋଲି ଆଶା କରାଯାଉଛି ।
