କରୋନାମୁକ୍ତଙ୍କୁ ସ୍ୱାସ୍ଥ୍ୟ ପାସପୋର୍ଟ ଦିଆନଯାଉ: ହୁ
କରୋନାମୁକ୍ତଙ୍କୁ ସ୍ୱାସ୍ଥ୍ୟ ପାସପୋର୍ଟ ଦିଆନଯାଉ: ହୁ
admin
4537
ବିଶ୍ୱ ମହାମାରୀ କୋଭିଡ-୧୯ ରେ ଆକ୍ରାନ୍ତ ରୋଗୀ ଆରୋଗ୍ୟ ଲାଭ କରିବା ପରେ ମଧ୍ୟ ଏକାଧିକ ଥର କରୋନା ଭୂତାଣୁ ଦ୍ୱାରା ସଂକ୍ରମିତ ହେବାର ଆଶଙ୍କା ଅଛି । କରୋନା ସଂକ୍ରମଣକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ଶନିବାର ଏହି ଗୁରୁତ୍ୱପୂର୍ଣ୍ଣ ତଥ୍ୟ ପ୍ରକାଶ କରିଛି । ହୁ ଅନୁସାରେ କୋଭିଡ-୧୯ ରୁ ଆରୋଗ୍ୟ ଲାଭ ପରେ ଶରୀରରେ ବୃଦ୍ଧି ପାଉଥିବା ପ୍ରତିଷେଧକ ଶକ୍ତି ସମ୍ପୂର୍ଣ୍ଣ ରୋଗୀଙ୍କୁ ଦ୍ୱିତୀୟଥର ସଂକ୍ରମଣରୁ ସୁରକ୍ଷା ଦେବ ବୋଲି ସେମିତି କିଛି ବୈଜ୍ଞାନିକ ପ୍ରମାଣ ଏଯାବତ ଉପଲବ୍ଧ ହୋଇ ନାହିଁ । ଏଭଳି ସ୍ଥିତିରେ କୋଭିଡ-୧୯ ରୁ ଆରୋଗ୍ୟ କୌଣସି ବ୍ୟକ୍ତିଙ୍କୁ ପ୍ରତିଷେଧକ ଶକ୍ତି ସମ୍ପନ୍ନ ବୋଲି ସ୍ୱାସ୍ଥ୍ୟ ପାସପୋର୍ଟ ଅଥବା ସଂକ୍ରମଣ ଆଶଙ୍କାମୁକ୍ତ ବୋଲି ପ୍ରମାଣପତ୍ର ପ୍ରଦାନ ନ କରିବାକୁ ଜାତିସଂଘର ଏହି ସଂସ୍ଥା ସତର୍କ କରାଇଛି । ଏଭଳି କରିବା ଦ୍ୱାରା ସମ୍ପୃକ୍ତ ଲୋକେ ସଂକ୍ରମଣ ରୋକିବା ଲାଗି ଉଦ୍ଧିଷ୍ଟ ସତର୍କତାମୂଳକ ନିୟମଗୁଡ଼ିକ ପାଳନ କରିବାରେ ଅବହେଳା କରିବେ । ଯଦ୍ୱାରା ସଂକ୍ରମଣ ବ୍ୟାପିବ । କୋଭିଡ-୧୯ ମୁକ୍ତ ରୋଗୀଙ୍କୁ ଏଭଳି ସ୍ୱାସ୍ଥ୍ୟ ପାସପୋର୍ଟ ପ୍ରଦାନ କରିବା ଲାଗି ଚିଲି ଗତ ସପ୍ତାହରେ କହିଥିଲା ।
