କଙ୍ଗନାଙ୍କ ବାୟୋପିକ୍ କରିବେ ‘ପଙ୍ଗା’ ନିର୍ଦ୍ଦେଶିକା
କଙ୍ଗନାଙ୍କ ବାୟୋପିକ୍ କରିବେ ‘ପଙ୍ଗା’ ନିର୍ଦ୍ଦେଶିକା
admin
1802
ନିକଟରେ ବଲିଉଡ କୁଇନ୍ କଙ୍ଗନାଙ୍କ ଫିଲ୍ମ ‘ପଙ୍ଗା’ ରିଲିଜ ହୋଇଥିଲା। ଫିଲ୍ମଟି ବ୍ଲକ୍ବଷ୍ଟର ହିଟ୍ ହୋଇଛି। ଏବେ କଙ୍ଗନା ନିଜ ଅପକମିଂ ଫିଲ୍ମ ‘ଥଲାଇବୀ’ର ଶୁଟିଂକୁ ନେଇ ବ୍ୟସ୍ତ ଅଛନ୍ତି। ‘ପଙ୍ଗା’ ସୁପରହିଟ୍ ହେବା ପରେ ଏବେ ସେ ‘ଥଲାଇବୀ’କୁ ସୁପରହିଟ୍ କରିବାରେ ବ୍ୟସ୍ତ ଅଛନ୍ତି କଙ୍ଗନା। ବଲିଉଡରେ ବାୟୋପିକ ଋତୁ ଚାଲୁଛି କହିଲେ କିଛି ଭୁଲ ହେବ ନାହିଁ।
ତେବେ ଏକ ଇଭେଣ୍ଟରେ ‘ପଙ୍ଗା’ ଫିଲ୍ମର ନିର୍ଦ୍ଦେଶିକା ଅଶ୍ବିନୀ ନିଜ ଆଗାମୀ ବାୟୋପିକ୍ ବିଷୟରେ କହିଛନ୍ତି। ଏହା ବଲିଉଡ ଅଭିନେତ୍ରୀ କଙ୍ଗନା ରାଣାୱତଙ୍କ ଜୀବନୀକୁ ନେଇ ହେବ ବୋଲି ସେ କହିଛନ୍ତି। ଅଶ୍ବିନୀଙ୍କ କହିବା ଅନୁସାରେ କଙ୍ଗନାଙ୍କ ବିବାହ ପରେ ଏହି ଫିଲ୍ମ ନିର୍ମାଣ ହେବ।
ତାଙ୍କ କହିବା ଅନୁସାରେ ଏମିତି ସୁଯୋଗ ସେ କେବେ ବି ହାତଛଡା କରିବେ ନାହିଁ। ଯଦି କଙ୍ଗନାଙ୍କ ଜୀବନୀ ଫିଲ୍ମ ରୂପେ ଦର୍ଶକଙ୍କ ପାଖରେ ପହଞ୍ଚିବ ତାହେଲେ ସେ ନିହାତି ଏହି ଫିଲ୍ମ ନିର୍ମାଣ କରିବେ। ଫିଲ୍ମର ଟାଇଟେଲ ମଧ୍ୟ ସେ ଭାବିସାରିଛନ୍ତି। ଫିଲ୍ମର ନାଁ ରହିବ କଙ୍ଗନା ଭର୍ସେସ କଙ୍ଗନା। କିନ୍ତୁ ଏବେ କଙ୍ଗନାଙ୍କର ବାୟୋପିକ୍ ନିର୍ମାଣ କରିବାର ସଠିକ୍ ସମୟ ନୁହେଁ ବୋଲି କହିଛନ୍ତି ନିର୍ଦ୍ଦେଶିକା।
କାରଣ ସେ ଜାଣିଛନ୍ତି ଯେ, କଙ୍ଗନା ଆହୁରି ସଫଳ ହେବେ। ତାଙ୍କ ବିବାହ ମଧ୍ୟ ହୋଇନାହିଁ। ଭବିଷ୍ୟତରେ ଯଦି କଙ୍ଗନା ତାଙ୍କୁ ସୁଯୋଗ ଦେବେ ତାହେଲେ ସେ ଏହି ଫିଲ୍ମ ତିଆରି କରିବେ। କଙ୍ଗନା ନିଜ ବାୟୋପିକର ନିର୍ଦ୍ଦେଶନା ସେ ନିଜେ ଦେବେ ବୋଲି ଇଚ୍ଛା ରଖିଛନ୍ତି। ହେଲେ ଅଶ୍ବିନୀ ଏହି ସିନେମାର ନିର୍ଦ୍ଦେଶନା କରିଲେ ବହୁତ ଖୁସି ହେବେ ବୋଲି କହିଛନ୍ତି।
