କଂଗ୍ରେସ ବିଧାୟକ ଦଳ ନେତା ହେଲେ ନରସିଂହ
କଂଗ୍ରେସ ବିଧାୟକ ଦଳ ନେତା ହେଲେ ନରସିଂହ
admin
4002
ଭୁବନେଶ୍ୱର : ବରିଷ୍ଠ କଂଗ୍ରେସ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର କଂଗ୍ରେସ ବିଧାୟକ ଦଳର ନେତା ଭାବେ ନିର୍ବାଚିତ ହୋଇଛନ୍ତି । ପୂର୍ବରୁ କଂଗ୍ରେସ ବିଧାୟକମାନେ ତାଙ୍କ ସର୍ବସମ୍ମତି କ୍ରମେ ନେତା ନିର୍ବାଚିତ କରି ଏ ସଂକ୍ରାନ୍ତୀୟ ପ୍ରସ୍ତାବକୁ ଏଆଇସିସିକୁ ପଠାଇଥିଲେ । ଏଆଇସିସି ସେହି ପ୍ରସ୍ତାବରେ ମୋହର ମାରି ଶ୍ରୀ ମିଶ୍ରଙ୍କ ନାମ ବିଧିବଦ୍ଧ ଭାବେ ଘୋଷଣା କରିଛି । ଏହା ସହ ବିଧାୟକ ସନ୍ତୋଷ ସିଂହ ସାଲୁଜାଙ୍କୁ ଉପନେତା, ତାରା ପ୍ରସାଦ ବାହିନୀପତିଙ୍କୁ ବିଧାୟକ ଦଳର ମୁଖ୍ୟ ସଚେତକ ଓ ମହମ୍ମଦ ମୋକିମଙ୍କୁ ସେକ୍ରେଟାରି ଭାବେ ମନୋନୀତ କରାଯାଇଛି । ସୂଚନା ଯୋଗ୍ୟ ଯେ, ୨୦୦୪ ରୁ ୨୦୦୯ ପର୍ଯ୍ୟନ୍ତ ଶ୍ରୀ ମିଶ୍ର ବିରୋଧୀ ଦଳର ଉପନେତା ଓ ଗତ ବିଧାନସଭାରେ ବିରୋଧୀ ଦଳର ନେତା ଭାବେ ଦାୟିତ୍ୱ ସମ୍ପନ୍ନ କରିଥିଲେ ।
