ଓଡିଶାରେ ଲାଗୁହେଲା ଅଡ୍ ଇଭିନ୍ ଫର୍ମୁଲା ।
ଓଡିଶାରେ ଲାଗୁହେଲା ଅଡ୍ ଇଭିନ୍ ଫର୍ମୁଲା ।
admin
4976
କରୋନା ପାଇଁ ରାଜ୍ୟ ସରକାର ଦିଲ୍ଲୀ ଫର୍ମୁଲା ଆପଣେଇଛନ୍ତି । ପରିବହନ ନିୟମକୁ ବଦଳାଇଛନ୍ତି ରାଜ୍ୟ ସରକାର । ସେଥିପାଇଁ ରାଜ୍ୟରେ ଆଜିଠାରୁ ସମସ୍ତ ସହରାଂଚଳରେ ଲାଗୁ ହୋଇଛି ଅଡ୍ ଇଭିନ୍ ଫର୍ମୁଲା ଅର୍ଥାତ୍ ଯୁଗ୍ମ ଓ ଅଯୁଗ୍ମ ନିୟମ । ଭିଡ କମାଇବାକୁ ଯାତ୍ରୀ ପରିବହନ କରୁଥିବା ଗାଡି ପାଇଁ ଏହା ଲାଗୁ ହେବ । ବସ୍ , ଟାକ୍ସି ଓ ଅଟୋ ରିକ୍ସା ଏହି ନିୟମ ମାନିବାକୁ ପଡିବ । ତେବେ ଘରୋଇ ବସ୍ ଓ ଜରୁରୀକାଳୀନ ସେବାରେ ନିୟୋଜିତ ଗାଡିକୁ ଏହି କଟକଣାରୁ ବାଦ୍ ଦିଆଯାଇଛି । ସାଧାରଣ ପ୍ରଶାସନ ବିଭାଗ ଏନେଇ ନିର୍ଦ୍ଦେଶନାମା ଆଣିଛି । ଭୁବନେଶ୍ୱରରେ ଏହି ନିୟମ ଲାଗୁ କରିବାକୁ ବିଜ୍ଞପ୍ତି ପ୍ରକାଶ କରିଛି ବିଏମସି । ଆଜି ଅଯୁଗ୍ମ ତାରିଖ ହୋଇଥିବାରୁ ରାସ୍ତାରେ କେବଳ ଅଯୁଗ୍ମ ନଂବର ଥିବା ଗାଡି ଚଳାଚଳ କରିବ । ଅର୍ଥାତ୍ ୧, ୩, ୫ ୭ ଏବଂ ୯ ଥିଲେ ଏହା ଅଯୁଗ୍ମ ତାରିଖରେ ରାସ୍ତାରେ ଗଡିବ ।
ରାଜଧାନୀରେ ବିଏମସି, କମିଶନରେଟ୍ ପୋଲିସ ଓ ଆରଟିଓ ଏହାକୁ ନଜର ରଖିବେ । ଯେଉଁ ବସ୍ ଟାକ୍ସି ଓ ବସ୍ ର ଶେଷ ସଂଖ୍ୟା ଅଯୁଗ୍ମ ଅର୍ଥାତ୍ ୧, ୩, ୫, ୭ ଏବଂ ୯ ଥିବା ତାହା ଆଜି ଗଡିବ । ଏବଂ ଯେଉଁ ଗାଡିର ଶେଷ ସଂଖ୍ୟା ଯୁଗ୍ମ ଅର୍ଥାତ୍ ୦, ୨, ୪, ୬ ଏବଂ ୮ ହୋଇଥିବା ତାହା ଆସନ୍ତାକାଲି ଚାଲିବ । ତେବେ ସରକାରୀ କାର୍ୟ୍ୟ, କୌଣସି ଡାକ୍ତରଖାନା କାମରେ ନିୟୋଜିତ ଗାଡି, ଆଂବୁଲାନ୍ସ ଓ ବାଇକ୍ ଆଗ ପରି ଚଳାଚଳ କରିପାରିବ । ଏହା ଉପରେ କୌଣସି କଟକଣା ରହିବ ନାହିଁ ।
