ଏଲିମିନେଟର-୧ : ସଦର୍ଣ୍ଣ ଡର୍ବିରେ ହାଇଦ୍ରାବାଦ ବନାମ ବେଙ୍ଗାଲୁରୁ
ଏଲିମିନେଟର-୧ : ସଦର୍ଣ୍ଣ ଡର୍ବିରେ ହାଇଦ୍ରାବାଦ ବନାମ ବେଙ୍ଗାଲୁରୁ
admin
3421
ଆବୁଧାବି : ଆଇପିଏଲର କ୍ୱାଲିଫାୟର-୧ରେ ପ୍ରଥମ ଫାଇନାଲିଷ୍ଟ ମିଳି ସାରିଥିବା ବେଳେ ଆଜି ପ୍ରଥମ ଏଲିମିନେଟର ମୁକାବିଲା ଖେଳାଯିବ । ଦୁଇ ଦକ୍ଷିଣ ଭାରତୀୟ ଦଳ ହାଇଦ୍ରାବାଦ ଏବଂ ବେଙ୍ଗାଲୁରୁ ମଧ୍ୟରେ ଆଜିର ମୁକାବିଲା ଅନୁଷ୍ଠିତ ହେବ । ଆବୁଧାବିର ଶେଖ ଜାୟେଦ ଷ୍ଟାଡିୟମରେ ଏହି ମ୍ୟାଚ ସନ୍ଧ୍ୟା ୭.୩୦ରେ ଆରମ୍ଭ ହେବ । ନିଜର ଅନ୍ତିମ ୪ ମ୍ୟାଚରେ ବିଜୟୀ ହୋଇଥିବା ଡେଭିଡ ୱାର୍ଣ୍ଣରଙ୍କ ହାଇଦ୍ରାବାଦ ଆତ୍ମବିଶ୍ୱାସରେ ରହିଥିବା ବେଳେ ବିରାଟ କୋହଲିଙ୍କ ଦଳ ବିଜୟ ଖୋଜିବାକୁ ଚେଷ୍ଟା କରିବ । ରିଦ୍ଧିମାନା ଶାହାଙ୍କୁ ଦଳରେ ସାମିଲ କରାଯିବା କାରଣରୁ ଦଳର ବ୍ୟାଟିଂ ଅତ୍ୟନ୍ତ ଶକ୍ତିଶାଳୀ ମନେ ହେଉଛି । ବିଗତ ତିନି ମ୍ୟାଚରେ ଶାାହା ୧୮୪ ରନ ସଂଗ୍ରହ କରିଛନ୍ତି । ସେହିପରି ଅଲରାଉଣ୍ଡର ଜେସନ ହୋଲ୍ଡର ମଧ୍ୟ ଡେଥ ବୋଲିଂ ସମସ୍ୟାକୁ ସମାଧାନ କରିଛନ୍ତି । ବିଗତ ୫ ମ୍ୟାଚରୁ ୧୦ ୱିକେଟ ଅକ୍ତିଆର କରିଛନ୍ତି ହୋଲ୍ଡର ।
ଅପରପକ୍ଷରେ ବେଙ୍ଗାଲୁରୁ ନିଜର ଶେଷ ୩ ମ୍ୟାଚରେ ପରାଜିତ ହୋଇଛି । ଦଳର ବ୍ୟାଟ୍ସମ୍ୟାନ ଫର୍ମ ପାଇଁ ସଂଘର୍ଷ କରୁଥିବା ବେଳେ ଇନଫର୍ମ କ୍ରିସ ମୋରିସଙ୍କ ଆହତ ହେବା ଦଳପାଇଁ ମହଙ୍ଗା ସାବ୍ୟସ୍ତ ହୋଇପାରେ । ବିଗତ ୫ ସିଜିନ ଧରି ହାଇଦ୍ରାବାଦ ପ୍ଲେ ଅଫକୁ ଯାଉଥିବା ବେଳେ ୨୦୧୬ ପରଠାରୁ ବେଙ୍ଗାଲୁରୁ ପ୍ରଥମ ଥର ପାଇଁ ପ୍ଲେ ଅଫକୁ ଯାଇଛି । ଆଜିର ମ୍ୟାଚର ବିଜେତା କ୍ୱାଲିଫାୟର-୨ରେ ଦିଲ୍ଲୀ କ୍ୟାପିଟାଲ୍ସର ମୁକାବିଲା କରିବ ।
