ଉନ୍ନାଓ ଭଳି ଭୟଙ୍କର ଢଙ୍ଗରେ ଦୁଷ୍କର୍ମ ପିଡିତାଙ୍କୁ ମାରିବୁ
ଉନ୍ନାଓ ଭଳି ଭୟଙ୍କର ଢଙ୍ଗରେ ଦୁଷ୍କର୍ମ ପିଡିତାଙ୍କୁ ମାରିବୁ
admin
3291
ଉତ୍ତର ପ୍ରଦେଶ-ଗତବର୍ଷ ଦିଲ୍ଲୀର ମୁଖାର୍ଜୀ ନଗରରେ ମହିଳା ଜଣଙ୍କ ଦୁଷ୍କର୍ମର ଶିକାର ହୋଇଥିଲେ। ଜୁଲାଇ ମାସରେ ସେ ପୁଲିସରେ ଅଭିଯୋଗ କରିଥିଲେ। ପୁଲିସ୍ ଅଭିଯୁକ୍ତକୁ ଗିରଫ କରିଥିବା ବେଳେ ସେ ଗତକାଲି ଜାମିନରେ ଖଲାସ ହୋଇଛି। ଏଭଳି ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ବାଘପଟରେ । ଜେଲରୁ ମୁକୁଳିବା ପରେ ଆଜି ଏଭଳି ପୋଷ୍ଟର ସାମ୍ନାକୁ ଆସିଛି। ଦୁଷ୍କର୍ମ ପୀଡ଼ିତାଙ୍କୁ ଜାମିନରେ ଖଲାସ ହୋଇଥିବା ଅଭିଯୁକ୍ତ ଖୋଲାଖୋଲି ଧମକ ଦେଇଛି। ଅଭିଯୋଗ କଲେ ଉନ୍ନାଓ ପୀଡ଼ିତାଙ୍କୁ ଯେଉଁଭଳି ଜୀଅନ୍ତା ଜାଳି ହତ୍ୟା କରାଗଲା, ତା’ଠାରୁ ଆହୁରି ଭୟଙ୍କର ପରିଣାମ ଭୋଗିବାକୁ ହେବ ବୋଲି ଏକ ପୋଷ୍ଟରରେ ମାରି ସେ ଧମକ ଦେଇଛି। ବାଘପଟରେ ଥିବା ପୀଡ଼ିତାଙ୍କ ଘର ଆଗରେ ଏଭଳି ଧମକପୂର୍ଣ୍ଣ ପୋଷ୍ଟର ମରାଯାଇଛି। ଆସନ୍ତାକାଲି ପୀଡ଼ିତା ଜଣଙ୍କ ଦିଲ୍ଲୀ କୋର୍ଟରେ ନିଜର ବୟାନ ରେକର୍ଡ କରାଇବାକୁ ଯିବେ। ତେବେ ଏହା ପୂର୍ବରୁ ପୀଡ଼ିତାଙ୍କୁ ଧମକ ଦିଆଯାଇଛି।ଏଭଳି ଘଟନା ସାମ୍ନାକୁ ଆସିବା ପରେ ପୁଲିସ ଅଭିଯୁକ୍ତକୁ ଗିରଫ କରିବା ସହ ପିଡିତାକୁ କଡା ସୁରକ୍ଷା ବଳୟ ଭିତରେ ରଖାଯାଇଛି ।
