ଆସନ୍ତା ଡିସେମ୍ବର ୩୧ ତାରିଖ ସୁଦ୍ଧା ୧୮ ବର୍ଷରୁ ଊଦ୍ଧ୍ୱର୍ ସବୁ ନାଗରିକଙ୍କୁ ଟିକାକରଣ
ଆସନ୍ତା ଡିସେମ୍ବର ୩୧ ତାରିଖ ସୁଦ୍ଧା ୧୮ ବର୍ଷରୁ ଊଦ୍ଧ୍ୱର୍ ସବୁ ନାଗରିକଙ୍କୁ ଟିକାକରଣ
admin
ନୂଆଦିଲ୍ଲୀ: ଆସନ୍ତା ଡିସେମ୍ବର ୩୧ ତାରିଖ ସୁଦ୍ଧା ୧୮ ବର୍ଷରୁ ଊଦ୍ଧ୍ୱର୍ ଦେଶରେ ସବୁ ନାଗରିକଙ୍କୁ ଟିକାକରଣ କରାଯିବ । କେନ୍ଦ୍ର ସରକାର ଶନିବାର ସନ୍ଧ୍ୟାରେ ସୁପି୍ରମକୋର୍ଟରେ ଏକ ସତ୍ୟପାଠ ଦାଖଲ କରି ଏହା ଜଣାଇଛନ୍ତି । ସରକାର କହିଛନ୍ତି ଯେ ଜୁଲାଇ ୩୧ ତାରିଖ ସୁଦ୍ଧା ୫୧.୬ କୋଟି ଡୋଜ ଟିକାକରଣ କରାଯିବ । ମାଗଣା ଟିକକରଣ ଅଭିଯାନକୁ ପୂରା କରିବା ଲାଗି ଆହୁରି ୧୩୫ କୋଟି ଡୋଜ ଟିକାର ବ୍ୟବସ୍ଥା କରାଯାଇଛି । କେନ୍ଦ୍ର ସରକାର ଦର୍ଶାଇଛନ୍ତି ଯେ ଦେଶରେ ୧୮ ବର୍ଷରୁ ଊଦ୍ଧ୍ୱର୍ ବୟସର ପ୍ରାୟ ୯୩-୯୪ କୋଟି ଲୋକ ଅଛନ୍ତି । ସେମାନଙ୍କୁ ଦୁଇଟି ଡୋଜ ଟିକା ଦେବାକୁ ହେଲେ ମୋଟ ୧୮୬-୧୮୮ କୋଟି ଡୋଜ ଟିକା ଦରକାର । ଜୁଲାଇ ୩୧ ତାରିଖ ସୁଦ୍ଧା ଯେହେତୁ ୫୧.୬ କୋଟି ଡୋଜ ଟିକା ଦିଆସରିଥିବ, ସେଥିପାଇ: ଆଉ ୧୩୫ କୋଟି ଡୋଜ ଟିକା ଦରକାର ପଡିବ । ସରକାର ଏହି ଟିକା ପାଇବା ଲାଗି ଆବଶ୍ୟକ ପଦକ୍ଷେପ ନେଇଛନ୍ତି । ୫୧.୬ କୋଟି ଡୋଜ ଟିକା ପାଇଁ ସରକାରଙ୍କୁ ୫୮୦୩ କୋଟି ଟଙ୍କା ଖର୍ଚ୍ଚ କରିବାକୁ ପଡିବ । ସରକାର ଏହି ଟିକା ପାଇବା ଲାଗି ଆବଶ୍ୟକ ପଦକ୍ଷେପ ନେଉଛନ୍ତି ।
