ଆତ୍ମନିର୍ଭର ହୁଅନ୍ତୁ, ପ୍ରଧାନମନ୍ତ୍ରୀ ମୟୁର ସହିତ ବ୍ୟସ୍ତ ଅଛନ୍ତି : ରାହୁଲ
ଆତ୍ମନିର୍ଭର ହୁଅନ୍ତୁ, ପ୍ରଧାନମନ୍ତ୍ରୀ ମୟୁର ସହିତ ବ୍ୟସ୍ତ ଅଛନ୍ତି : ରାହୁଲ
admin
5551
ନୂଆଦିଲ୍ଲୀ : ଆଜିଠାରୁ ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଥିବା ବେଳେ ପୁଣିଥରେ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ । ଆପଣ ମାନେ ଆତ୍ମନିର୍ଭର ହୋଇ ନିଜ ଜୀବନ ବଞ୍ଚାନ୍ତୁ କାହିଁକି ନା ପ୍ରଧାନମନ୍ତ୍ରୀ ମୟୁର ସହିତ ବ୍ୟସ୍ତ ଅଛନ୍ତି ବୋଲି ରାହୁଲ ଗାନ୍ଧୀ ଟ୍ୱିଟ କରିଛନ୍ତି । ଦେଶରେ ନିୟମିତ ଭାବରେ ବଢୁଥିବା କରୋନା ଭାଇରସ୍ ସଂଖ୍ୟା ପାଇଁ ପ୍ରଧାନମନ୍ତ୍ରୀଙ୍କୁ ଦାୟୀ କରିଛନ୍ତି ରାହୁଲ । ବିନା କୌଣସି ଯୋଜନାରେ ଲକଡାଉନ ଲଗାଯିବା କାରଣରୁ ଅର୍ଥନୀତିର ମେରୁଦଣ୍ଡ ଭାଙ୍ଗି ଯାଇଛି । ସଂସଦୀୟ ଅଧିବେଶନର ପ୍ରଥମ ଦିବସରେ ଅନୁପସ୍ଥିତ ଥିବା ୱାୟାନାଡ ସାଂସଦ ମୋଦିଙ୍କୁ ଟାର୍ଗେଟ କରି ଲେଖିଛନ୍ତି, ଜଣେ ବ୍ୟକ୍ତିଙ୍କ ଅହଙ୍କାର ପାଇଁ ଦେଶର ଅର୍ଥନୀତି ରସାତଳଗାମୀ ହୋଇଥିବା ବେଳେ ଯୁବଗୋଷ୍ଠୀଙ୍କ ନିକଟରେ ଚାକିରି ନାହିଁ । ଏହା ସହିତ ପ୍ରଧାନମନ୍ତ୍ରୀଙ୍କ ମୟୁରକୁ ଖାଇବାକୁ ଦେଉଥିବା ଭିଡିଓଟିକୁ ମଧ୍ୟ ରାହୁଲ ସେୟାର କରିଥିଲେ । ଉଲ୍ଲେଖଯୋଗ୍ୟ ଯେ, ଦୈନିକ ୯୦ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହେଉଥିବା ବେଳେ ଆସ୍ତା କିଛି ଦିନ ମଧ୍ୟରେ ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୫୦ ଲକ୍ଷ ଛୁଇଁବ ।
