ଆଇସିୟୁରେ ଓଡିଆ ଅଭିନେତା ବିଜୟ ମହାନ୍ତି ।
ଆଇସିୟୁରେ ଓଡିଆ ଅଭିନେତା ବିଜୟ ମହାନ୍ତି ।
admin
4271
ପ୍ରଖ୍ୟାତ ଓଡ଼ିଆ ସିନେ ଅଭିନେତା ବିଜୟ ମହାନ୍ତି ଗୁରୁତର ଅସୁସ୍ଥ ହୋଇପଡ଼ିଛନ୍ତି । ହୃଦଘାତ ଯୋଗୁଁ ତାଙ୍କର ସ୍ୱାସ୍ଥ୍ୟ ବିଗିଡ଼ି ଯାଇଥିବାବେଳେ ଏବେ ସେ ଆଇସିୟୂରେ ଅଛନ୍ତି । ଏନେଇ ସୂଚନା ଦେଇଛନ୍ତି ତାଙ୍କର ପତ୍ନୀ ତଥା ସିନେ ଅଭିନେତ୍ରୀ ତନ୍ଦ୍ରା ରାୟ ।
ତନ୍ଦ୍ରା କହିଛନ୍ତିଯେ, କାଲି ସେ ଅସୁସ୍ଥ ହୋଇପଡ଼ିଥିଲେ । କାଲି ଠାରୁ ସେ ଆଇସିୟୂରେ ଅଛନ୍ତି । କିନ୍ତୁ ଏବେ ସ୍ୱାସ୍ଥ୍ୟବସ୍ଥା ଟିକେ ଭଲ ଅଛି ବୋଲି ସେ କହିଛନ୍ତି । ସେହିପରି ସିନେ କଳାକର ସଂଘର ସାଧାରଣ ସମ୍ପାଦକ ଶ୍ରୀତମ ଦାସଙ୍କ ସୂଚନାନୁଯାୟୀ, ହାଇଦ୍ରାବାଦର ଏକ ବେସରକାରୀ ହସପିଟାଲରେ ବିଜୟ ମହାନ୍ତି ଚିକିତ୍ସିତ ହେଉଛନ୍ତି । ଚେକ ଅପ ପାଇଁ ଯାଇଥିବାବେଳେ ସେ ହୃଦଘାତର ଶିକାର ହୋଇଥିଲେ । ସେ ଏବେ ଭେଂଟିଲେଟରରେ ଅଛନ୍ତି ।
ଓଲିଉଡ଼ର ସୁନାମଧନ୍ୟ ଅଭିନେତା ବିଜୟଙ୍କ ଅସୁସ୍ଥ ଖବର ପାଇବା ପରେ ତାଙ୍କର ପ୍ରଶଂସକମାନେ ଆଶୁ ଆରୋଗ୍ୟ କାମନା କରିଛନ୍ତି । ପୂର୍ବଭଳି ସେ ଅଭିନୟରେ ସକ୍ରିୟ ନଥିଲେ । ୨୦୧୯ ନିର୍ବାଚନ ସମୟରେ ସେ କଂଗ୍ରେସରେ ଯୋଗ ଦେଇଥିଲେ । ଭୁବନେଶ୍ୱର ଲୋକସଭା ଆସନରୁ ଲଢ଼ିଥିଲେ । କିନ୍ତୁ ପରବର୍ତୀ ସମୟରେ ସେ କଂଗ୍ରେସରୁ ଇସ୍ତଫା ଦେଇଥିଲେ ।
