ଆଇଏସଏଲ ଫୁଟବଲ : ଓଡ଼ିଶା ଏଫସି ପୁଣି ହାରିଲା
ଆଇଏସଏଲ ଫୁଟବଲ : ଓଡ଼ିଶା ଏଫସି ପୁଣି ହାରିଲା
admin
3474
ଭୁବନେଶ୍ୱର: ବିଜୟ ପାଇଁ ସଂଘର୍ଷ କରୁଥିବା ଓଡ଼ିଶା ଏଫସି ଗୁରୁବାର ଚଳିତ ଆଇଏସଏଲ ଫୁଟବଲ ପ୍ରତିଯୋଗିତାର ୩୧ ତମ ମ୍ୟାଚରେ ଅପରାଜେୟ ବେଙ୍ଗାଲୁରୁ ଏଫସିକୁ ଭେଟିଥିଲା । ବାମ୍ବୋଲିମସ୍ଥିତ ଜିଏମସି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ବେଙ୍ଗାଲୁରୁ ୨-୧ ଗୋଲରେ ଓଡ଼ିଶାକୁ ପରାସ୍ତ କରିଥିଲା । ପ୍ରଥମାର୍ଦ୍ଧରେ ଅଧିନାୟକ ସୁନୀଲ ଛେତ୍ରୀ (୩୮) ମିନିଟଙ୍କ ଗୋଲ ବଳରେ ବେଙ୍ଗାଲୁରୁ ଆଗୁଆ ରହିଥିଲା । ଦ୍ୱିତୀୟାର୍ଦ୍ଧରେ ଓଡ଼ିଶା ଅଧିନାୟକ ଷ୍ଟିଭେନ ଟେଲର (୭୧ ମିନିଟ) ଗୋଲଟି ଶୁଝି ସ୍ଥିତି ବରାବର କରିଦେଇଥିଲେ । ହେଲେ ୭୯ ତମ ମିନିଟରେ ସ୍ଲେଇଟନ ସିଲଭା ଆଉ ଏକ ଗୋଲ ଦେଇ ବେଙ୍ଗାଲୁରୁକୁ ବିଜୟ ଭେଟି ଦେଇଥିଲେ । ଭାଗ୍ୟ ଖୋଲିବା ଲକ୍ଷ୍ୟ ରଖିଥିବା ଓଡ଼ିଶା ଏଫସି ପୁଣି ପରାଜୟକୁ ଆଦରି ନେଇଥିଲା । ୬ ମ୍ୟାଚରୁ ୫ ପରାଜୟ ଓ ଗୋଟିଏ ଡ୍ର’ରୁ ଓଡ଼ିଶା ୧ ପଏଣ୍ଟ ଟେବୁଲର ଦଶମ ସ୍ଥାନରେ ଅପରିବର୍ତ୍ତିତ ରହିଛି ।
