ଆଇଆଇଟି ଖଡଗପୁରର ଟେଷ୍ଟିଂ କିଟକୁ ଆଇସିଏମଆର ମଞ୍ଜୁରୀ : ଘଣ୍ଟାଏରେ ମିଳିବ ଟେଷ୍ଟିଂ ରିପୋର୍ଟ
ଆଇଆଇଟି ଖଡଗପୁରର ଟେଷ୍ଟିଂ କିଟକୁ ଆଇସିଏମଆର ମଞ୍ଜୁରୀ : ଘଣ୍ଟାଏରେ ମିଳିବ ଟେଷ୍ଟିଂ ରିପୋର୍ଟ
admin
2379
ନୂଆଦିଲ୍ଲୀ : ଆଇଆଇଟି ଖଡଗପୁର ପକ୍ଷରୁ ପ୍ରସ୍ତୁତ କରାଯାଇଥିବା ଟେଷ୍ଟିଂ କିଟକୁ ଆଜି ଆଇସିଏମଆର ପକ୍ଷରୁ ମଞ୍ଜୁରୀ ପ୍ରଦାନ କରାଯାଇଛି । ଏହି ଟେଷ୍ଟିଂ କିଟର ନାମ କୋଭିରାପ ରଖାଯାଇଥିବା ବେଳେ ମାତ୍ର ଏକ ଘଣ୍ଟା ମଧ୍ୟରେ କରୋନା ପରୀକ୍ଷଣ ରିପୋର୍ଟ ମିଳିଥାଏ । ଏକ ଚାରି କୋଣିଆ ବକ୍ସରେ ରହିଥିବା ଏହି ଟେଷ୍ଟିଂ କିଟ ଦ୍ୱାରା ଗ୍ରାମାଞ୍ଚଳ ଏବଂ ଦୁର୍ଗମ ଅଞ୍ଚଳରେ ସହଜରେ ପରୀକ୍ଷଣ ହୋଇ ପାରିବ । ଏନଆଇସିଇଡି ପକ୍ଷରୁ ଏହି ଡିଭାଇସର ମୂଲ୍ୟାୟନ କରାଯାଇଥିଲା । ଆଇସିଏମଆର ବୈଜ୍ଞାନିକ ଡ. ମମତା ଚାୱଲା ସରକାର ପ୍ରାୟ ୨୦୦ଟି ଡିଭାଇସର ପରୀକ୍ଷଣ କରାଇଥିଲେ । ଏହି ପରୀକ୍ଷଣ ପରେ ଫଳାଫଳକୁ ଆରଟି ପିସିଆର ଟେଷ୍ଟ ସହିତ ତୁଳନା କରାଯାଇଥିଲା । ପ୍ରାୟ ୯୬ ପ୍ରତିଶତ ସଫଳ ଫଳାଫଳ ଆସିବା ପରେ ଏହି ଟେଷ୍ଟିଂ କିଟକୁ ମଞ୍ଜୁରୀ ପ୍ରଦାନ କରାଯାଇଥିଲା ।
