ୱିସଡେନ ଟେଷ୍ଟ ଦିନିକିଆ ଦଳରେ ଧୋନି, କୋହଲି
ୱିସଡେନ ଟେଷ୍ଟ ଦିନିକିଆ ଦଳରେ ଧୋନି, କୋହଲି
admin
5444
ଲଣ୍ଡନ - ଭାରତୀୟ ଅଧିନାୟକ ବିରାଟ କୋହଲି ଓ ଅଭିଜ୍ଞ ଅଫ ସ୍ପିନର ରବିଚନ୍ଦ୍ରନ ଅଶ୍ୱିନ ଚଳିତ ଦଶନ୍ଧିର ୱିସଡେନ ଟେଷ୍ଟ ଦଳରେ ସ୍ଥାନ ପାଇଛନ୍ତି । କୋହଲିଙ୍କୁ ଏହି ଦଳରେ ଅଧିନାୟକ ମନୋନୀତ ହୋଇଛନ୍ତି । ସେହିପରି ୱିସଡେନ ଦିନିକିଆ ଦଳରେ ୩ ଜଣ ଭାରତୀୟ ଖେଳାଳୀଙ୍କୁ ସ୍ଥାନ ମିଳିଛି । ସେମାନେ ହେଲେ କୋହଲି, ରୋହିତ ଶର୍ମା ଓ ମହେନ୍ଦ୍ର ସିଂହ ଧୋନି ।
ଟେଷ୍ଟ କି୍ରକେଟରେ ଷ୍ଟାର ବ୍ୟାଟସମ୍ୟାନ କୋହଲି ଚମକ୍ରାର ପ୍ରଦର୍ଶନ କରିଛନ୍ତି । ସେ ୮୪ଟି ଟେଷ୍ଟରୁ ୫୪.୯୭ ଆଭରେଜରେ ୭,୨୦୨ ରନ କରିଥିବା ବେଳେ ସେଥି ମଧ୍ୟରେ ୨୭ଟି ଶତକ ଓ ୨୨ଟି ଅର୍ଦ୍ଧଶତକ ସାମିଲ ରହିଛି । ସେହିପରି ଅଶ୍ୱିନ ୭୦ଟି ଟେଷ୍ଟ ଖେଳି ୩୬୨ଟି ୱେକଟ ହାସଲ କରିଛନ୍ତି । ସେଥି ମଧ୍ୟରୁ ୨୭ ଇର ୫ଟି ୱିକେଟ ସଫଳତା ସାମିଲ ରହିଛି । ଦିନିକିଆ କି୍ରକେଟରେ କୋହଲି, ଧୋନି ଓ ରୋହିତ ପ୍ରଭାବୀ ପ୍ରଦର୍ଶନ କରିଛନ୍ତି । କୋହଲି ୨୪୨ ମ୍ୟାଚ ଖେଳି ୫୯.୮୪ ଆଭରେଜରେ ୧୧,୬୦୯ ରନ୍ କରିଛନ୍ତି । ସେଥି ମଧ୍ୟରୁ ୪୩ ଟି ଶତକ ଓ ୫୫ଟି ଅର୍ଦ୍ଧଶତକ ସାମିଲ ରହିଛି । ରୋହିତ ୨୨୧ ଟି ମ୍ୟାଚରୁ ୮,୯୪୪ ରନ କରିଛନ୍ତି । ସେ ୨୮ଟି ଶତକ ଓ ୪୩ ଟି ଅର୍ଦ୍ଧଶତକ ହାସଲ କରିଛନ୍ତି । ସେ ୨୦୧୯ କ୍ୟାଲେଣ୍ଡର ବର୍ଷରେ ୨,୪୪୨ ରନ କରି ଶ୍ରୀଲଙ୍କାର ସନତ ଜୟସୁରିଆଙ୍କ ରେକର୍ଡ ଭଙ୍ଗ କରିଥିଲେ । କୋହଲି ଓ ରୋହିତ ଚଳିତ ବର୍ଷ ଦିନିକିଆ ମ୍ୟାନ୍ୟତାରେ ଯଥାକ୍ରମେ ପ୍ରଥମ ଓ ଦ୍ୱିତୀୟ ସ୍ଥାନ ବଜାୟ ରଖିଛନ୍ତି । ଧୋନି ୩୫୦ ମ୍ୟାଚରୁ ୧୦,୭୭୩ ରନ କରିଛନ୍ତି ।
ଟେଷ୍ଟ ଦଳ: ଆଲିଷ୍ଟର କୁକ, ଡେଭିଡ ୱାର୍ଣ୍ଣର, କୁମାର ସାଙ୍ଗାକାରା, ଷ୍ଟିଭ ସ୍ମିଥ, ବିରାଟ କୋହଲି, ବେନ ଷ୍ଟୋକ୍ସ, ଏବି ଡି ଭିଲର୍ସ, ରବିନ୍ଦ୍ର ଚନ୍ଦ୍ରନ ଅଶ୍ୱିନ, ଡେଲ ଷ୍ଟେନ, କାଗିସୋ ରାବାଡା, ଜେମ୍ସ ଆଣ୍ଡରସନ ।
ଦିନିକିଆ ଦଳ: ରୋହିତ ଶର୍ମା, ବିରାଟ କୋହଲି, ଡେଭିଡ ୱାର୍ଣ୍ଣର, ଏବି ଡି ଭିଲର୍ସ, ଜୋସ ବଟଲାର, ସାକିବ ଅଲ ହାସନ, ମହେନ୍ଦ୍ର ସିଂହ ଧୋନି, ଲାସି ମାଲିଙ୍ଗା, ମିତେଲ ଷ୍ଟାର୍କ, ଟ୍ରେଣ୍ଟ ବୋଲ ଡେଲ୍ ଷ୍ଟେନ ।
