ୱାରେନଙ୍କ ୯୦ ତମ ଜନ୍ମଦିନରେ ଓରିଓ କେକ ପ୍ରସ୍ତୁତ କଲେ ଗେଟସ
ୱାରେନଙ୍କ ୯୦ ତମ ଜନ୍ମଦିନରେ ଓରିଓ କେକ ପ୍ରସ୍ତୁତ କଲେ ଗେଟସ
admin
4289
ବ୍ୟବସାୟ ଜଗତର ସୁପରିଚିତ ଚେହେରା ବିଲ ଗେଟସ ନିଜର କୋଟିପତି ଉଦ୍ୟୋଗପତି ବନ୍ଧୁ ୱାରେନ ବଫେଙ୍କ ୯୦ ତମ ଜନ୍ମ ଦିନ ଅବସରରେ ତାଙ୍କୁ ନିଆରା ଢ଼ଙ୍ଗରେ ଶୁଭେଚ୍ଛା ଜଣାଇଛନ୍ତି । ଗେଟସ ନିଜ ଟ୍ୱିଟର ହ୍ୟାଣ୍ଡେଲରେ ଏକ ପୋଷ୍ଟ ଜରିଆରେ ଉଭୟଙ୍କ ମଧ୍ୟରେ ଥିବା ଘନିଷ୍ଠ ବନ୍ଧୁତ୍ୱର ପ୍ରମାଣ ଦେଇଚନ୍ତି । ସେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ଏକ ଓରିଓ କେକ ନିଜେ ପ୍ରସ୍ତୁତ କରୁଥିବା ନଜର ଆସିଛନ୍ତି । ଭିଡିଓ ଶେଷରେ ଗେଟସ କେକଟିକୁ ଧରିଛନ୍ତି । ହସି ହସି ସ୍ୱାଦିଷ୍ଟ ଦିଶୁଥିବା ଏହି କେକରୁ ଖଣ୍ଡେ କାଟିଛନ୍ତି ଏବଂ ଓରିଓ ଗୁଣ୍ଡରେ ବନ୍ଧୁ ୱାରେନଙ୍କ ପାଇଁ ଜନ୍ମ ଦିନର ବାର୍ତ୍ତା ଲେଖିଛନ୍ତି ‘୯୦ତମ ଜନ୍ମ ଦିନର ଶୁଭେଚ୍ଛା ୱାରେନ ।’ ଟେକ୍ନୋଲୋଜି ଜଗତର ଜଣେ ମହାନ ବ୍ୟକ୍ତିତ୍ୱ ତଥା କୋଟିପତି ଗେଟସ ଜଣେ ଭଲ ବେକର ବୋଲି ପୂର୍ବରୁ ହୁଏତ କେହି ଜାଣିନଥିବେ । ଗେଟସଙ୍କ ଦ୍ୱାରା ପ୍ରସ୍ତୁତ ଏହି ଓରିଓ କେକର ଭିଡିଓ ସେୟାର ବେହା ପରଠୁ ସୋସିଆଲ ମିଡିଆରେ ଏବେ ସୁଦ୍ଧା ୧୫ ଲକ୍ଷ ଥର ଦେଖାଗଲାଣି ।
