୫୦ ଆସନରେ ଆପ ଆଗୁଆ

Feb 11, 2020 - 03:04 Updated: Feb 11, 2020 - 03:04

3204

ନୂଆଦିଲ୍ଲୀ : ବହୁ ପ୍ରତୀକ୍ଷିତ ଦିଲ୍ଲୀ ନିର୍ବାଚନ ପାଇଁ ଭୋଟ ଗଣତି ଆରମ୍ଭ ହୋଇଯାଇଛି । ତେବେ ପ୍ରାରମ୍ଭରୁ ଅରବିନ୍ଦ କେଜ୍ରିୱାଲଙ୍କ ଆମ ଆଦମୀ ପାର୍ଟି ୫୦ ଆସନରେ ଅଗ୍ରଣୀ ହାସଲ କରିଛି । ଯେତେବେଳେକି ବିଜେପି ମାତ୍ର ୧୬ ଆସନରେ ଆଗୁଆ ଅଛି । ଫଳରେ ପୁଣି ଥରେ କେଜ୍ରିୱାଲ ଦିଲ୍ଲୀରେ ମୁଖ୍ୟମନ୍ତ୍ରୀ ହେବାର ସମ୍ଭାବନା ଉଜ୍ଜ୍ୱଳ ରହିଛି । ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ପାଇଁ ଗତ ୮ରେ ଭୋଟ ହୋଇଥିବାବେଳେ ଆଜି ସକାଳୁ ସକାଳୁ ଗଣତି ଆରମ୍ଭ ହୋଇଛି । ସକାଳ ୮ରୁ ୨୭ କେନ୍ଦ୍ରରେ ଭୋଟ ଗଣତି କରାଯାଉଛି । ୨୦୧୫ରେ କେଜ୍ରିୱାଲଙ୍କ ଦଳକୁ ୬୭ ଆସନ ମିଳିଥିବାବେଳେ ବିଜେପିକୁ ୩ ଆସନ ମିଳିଥିଲା । ଅପରପକ୍ଷରେ କଂଗ୍ରେସ ଖଶତା ଖୋଲିପାରିନଥିଲା ।