୫ ରାଜ୍ୟ ପାଇଁ ପୁରୀ କଟକଣା, ଜାଣନ୍ତୁ କଣ ରହିଛି
୫ ରାଜ୍ୟ ପାଇଁ ପୁରୀ କଟକଣା, ଜାଣନ୍ତୁ କଣ ରହିଛି
admin
5422
ପୁରୀ: ଦେଶରେ ବର୍ତମାନ କରୋନା ସଂକ୍ରମଣର ଦ୍ୱିତୀୟ ଲହର ଚାଲିଛି । ଏହି ଦ୍ୱିତୀୟ ଲହର ବହୁ କ୍ଷିପ୍ର ଗତିରେ ବଢି ବଢି ଚାଲିଛି । ଆଜି ମଧ୍ୟ ଦେଶରୁ ୯୬ ହଜାର ୯୮୨ ଜଣ କରୋନା ପଜିଟି ଚିହ୍ନଟ ହୋଇଥିବା ହୋଇଛନ୍ତି । ସେହିପରି ରାଜ୍ୟରୁ ମଧ୍ୟ ୫୮୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କରୋନା ସଂକ୍ରମଣ ବୃଦ୍ଧି ପରେ ପୁରୀ ଜିଲ୍ଲାରେ ନିୟମ କଡାକଡି ହୋଇଛି । ଏଣିକି ଅନ୍ୟ ରାଜ୍ୟରୁ ଆସିଥିବା ପର୍ଯ୍ୟଟକଙ୍କ ଉପରେ ନଜର ରହିବ ବୋଲି ସୂଚନା ମିଳିଛି । ସମୀକ୍ଷା ବୈଠକ ପରେ ପୁରୀ ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି । ୫ ରାଜ୍ୟରୁ ଆସୁଥିବା ପର୍ଯ୍ୟଟକଙ୍କ ପାଇଁ କଟକଣା ଲାଗୁ କରାଯିବ ବୋଲି ପୁରୀ ଜିଲ୍ଲାପାଳ କହିଛନ୍ତି । ୫ ରାଜ୍ୟର ପର୍ଯ୍ୟଟକଙ୍କ ଆରଟି-ପିସିଆର ନେଗେଟିଭ ରିପୋର୍ଟ ବାଧ୍ୟତାମୂଳକ ରହିବ । ମଧ୍ୟପ୍ରଦେଶ , ମହାରାଷ୍ଟ୍ର, ପଞ୍ଜାବ, ଛତିଶଗଡ ଓ କେରଳ ପ୍ରମୁଖ ରାଜ୍ୟ ରହିଛି । ଏହି ରାଜ୍ୟରୁ ଆସୁଥିବା ଲୋକଙ୍କ ପ୍ରତି କଡା ନଜର ରଖାଯିବ । ନେଗେଟିଭ ରିପୋର୍ଟ ନ ଆଣିଲେ ୭ ଦିନିଆ ହୋମ ଆଇସୋଲେସନରେ ରହିବେ । ରେଳ ଷ୍ଟେସନରେ ସ୍କି୍ରନିଂ ବ୍ୟବସ୍ଥା କରାଯାଇଛି, ଲକ୍ଷଣ ଥିଲେ ଟେଷ୍ଟ କରାଯାଉଛି । ୨ଟି ଯୋଗ୍ୟତା ଥିଲେ ପର୍ଯ୍ୟଟକଙ୍କୁ ପୁରୀ ଆସିବାକୁ ଅନୁମତି ମିଳିବ । ୭୨ ଘଂଟା ମଧ୍ୟରେ ଆରଟି-ପିସିଆର ନେଗେଟିଭ ରିପୋର୍ଟ ଥିଲେ ଅନୁମତି ମିଳିବ ବୋଲି କୁହାଯାଇଛି । ଉଭୟ ଡୋଗ ଟିକା ନେଇଥିଲେ ପୁରୀ ଆସିବାକୁ ଅନୁମତି ମିଳିବ ।
