୩୫ ରନରେ ଜିତିଲା ଶ୍ରୀଲଙ୍କା
୩୫ ରନରେ ଜିତିଲା ଶ୍ରୀଲଙ୍କା
admin
6450
ଏଡିନବର୍ଗ : ଶ୍ରୀଲଙ୍କା ଓ ସ୍କଟଲାଣ୍ଡ ମଧ୍ୟରେ ଅନୁଷ୍ଠିତ ପ୍ରଥମ ଦିନିକିଆରେ ଶ୍ରୀଲଙ୍କା ୩୫ ରନରେ ବିଜୟୀ ହୋଇଛି । ଏଥି ସହ ଦଳ ୨ ସିରିଜ ମ୍ୟାଚରେ ୧-୦ରେ ଅଗ୍ରଣୀ ଲାଭ କରିଛି । ଏହି ସିରିଜ ମାଧ୍ୟମରେ ଶ୍ରୀଲଙ୍କା ବିଶ୍ୱକପ୍ ପାଇଁ ପ୍ରସ୍ତୁତି ଚଳାଇଛି । ସଫଳ ବୋଲିଂ ପାଇଁ ଶ୍ରୀଲଙ୍କା ପେସ ବୋଲର ନୂଆନ୍ ପ୍ରଦୀପ୍ ପ୍ଲେୟର ଅଫ୍ ଦ ମ୍ୟାଚ ବିବେଚିତ ହୋଇଥିଲେ ।
ଏହି ମ୍ୟାଚରେ ଶ୍ରୀଲଙ୍କା ବ୍ୟାଟିଂ ଆମନ୍ତ୍ରର ପାଇ ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୩୨୨ ରନ୍ ସଂଗ୍ରହ କରିଥିଲା । ଓପନର ଅଭିସ୍କ ଫର୍ଣ୍ଣାଣ୍ଡୋ ୭୪, ଅଧିକନାୟକ ଦିମୁଥ କରୁଣାରତ୍ନେ ୭୭, କୁଶାଲ ମେଣ୍ଡିସ ଓ ଲାହିରୁ ଥିରିମାନେ ଅପରାଜିତ ୪୪ ରନ୍ କରିଥିଲେ । ବର୍ଷା କାରଣରୁ ସ୍କଟଲାଣ୍ଡ ସାମ୍ନାରେ ୩୪ ଓଭରରେ ୨୩୫ ରନ୍ ର ଟାର୍ଗେଟ ଧାର୍ଯ୍ୟ କରାଯାଇଥିଲା । ଦଳ ୩୩.୨ ସଭରରେ ସମସ୍ତ ୱିକେଯ ହରାଇ ୧୯୯ ରନ୍ କରିବାକୁ ସକ୍ଷମ ହୋଇଥିଲା । ଓପନର ମାଥ୍ୟୁ କ୍ରସ ୫୫, ଅଧିନାୟକ କେଲି କୋଏଜର ୩୪ ଓ ଜର୍ଜ ମୁନସି ୬୧ ରନ୍ କରିଥିଲେ । ଶ୍ରୀଲଙ୍କା ପକ୍ଷରୁ ନୂଆନ ପ୍ରଦୀପ ସର୍ବାଧିକ ୪ଟି ୱିକେଟ ନେଇଥିଲେ ।
