ସୁନ୍ଦରୀ ପ୍ରତିଯୋଗିତାରେ ଚମକିଲେ ବ୍ରହ୍ମପୁର ଝିଅ
ସୁନ୍ଦରୀ ପ୍ରତିଯୋଗିତାରେ ଚମକିଲେ ବ୍ରହ୍ମପୁର ଝିଅ
admin
3097
ବ୍ରହ୍ମପୁର: ପୁଣି ଏକ ଜାତୀୟ ସ୍ତରୀୟ ସୁନ୍ଦରୀ ପ୍ରତିଯୋଗିତାରେ ଜଣେ ଝିଅ ସଫଳତା ହାସଲ କରିଛନ୍ତି । ଷଷ୍ଠ ମୁମ୍ବାଇ ଗ୍ଲୋବାଲ ଇଣ୍ଡିଆ ବିୟୁଟି ପିଜେଣ୍ଟ ୨୦୨୦ ରେ ବ୍ରହ୍ମପୁରର ୨୮ ବର୍ଷୀୟା ଝିଅ ରାମେଶ୍ୱରୀ ନନ୍ଦ ଭାଗ ନେଇଥିଲେ । ଏହି ଜାତୀୟ ସ୍ତରୀୟ ପ୍ରତିଯୋଗିତାରେ ସେ ବ୍ରାଣ୍ଡ ଆମ୍ବାସଡର ଅଫ ମୁମ୍ବାଇ ଗ୍ଲୋବାଲ ଫର ଓଡ଼ିଶା ଏବଂ ବେଷ୍ଟ ବଡ଼ି ବିୟୁଟି ମୁକୁଟର ବିଜୟୀ ହୋଇଛନ୍ତି । ମୁମ୍ବାଇର ହୋଟେଲ ତାଜରେ ଆୟୋଜିତ ଏହି ପ୍ରତିଯୋଗିତାରେ ଦେଶର ବିଭିନ୍ନ ରାଜ୍ୟରୁ ବହୁ ଯୁବତୀ ସାମିଲ ହୋଇଥିଲେ । ୩ଟି ରାଉଣ୍ଡରେ ପ୍ରତିଯୋଗିତା ହୋଇଥିଲା । ଶାଢ଼ି ଥିମ, ଚେକମେଟ ଥିମ ଏବଂ ପ୍ରଶ୍ନୋତ୍ତର ରାଉଣ୍ଡରେ ରାମେଶ୍ୱରୀଙ୍କ ପ୍ରଦର୍ଶନ ବିଚାରକଙ୍କୁ ବେଶ ଆକର୍ଷିତ କରିଥିଲା । ୧୧ ଜଣ ପ୍ରତିଯୋଗୀ ଫାଇନାଲ ରାଉଣ୍ଡରେ ପହଞ୍ଚିଥିଲେ । କିନ୍ତୁ ସମସ୍ତଙ୍କୁ ହରାଇ ରାମେଶ୍ୱରୀ ବିଜୟୀ ହୋଇଛନ୍ତି । ରାମେଶ୍ୱରୀ ପେଶାରେ ଜଣେ ଶିକ୍ଷୟିତ୍ରୀ । କଳାଞ୍ଜଳୀ ଆର୍ଟିଷ୍ଟି୍ରର ପ୍ରତିଷ୍ଠା ସହ ସେ ବିଭିନ୍ନ କାର୍ଯ୍ୟକ୍ରମ ଆୟୋଜନ ଏବଂ ସାମାଜିକ ସେବାରେ ସାମିଲ ରହୁଥିଲେ । ଗୁରୁବାର ସେ ବ୍ରହ୍ମପୁର ଅନନ୍ତ ନଗର ଷଷ୍ଠଲେନସ୍ଥିତ ଘରେ ପହଞ୍ଚିବା ପରେ ପରିବାର ବର୍ଗ ଏବଂ ଶୁଭେଚ୍ଛୁମାନେ ତାଙ୍କୁ ସମ୍ବର୍ଦ୍ଧିତ କରିଥିଲେ । ରାମେଶ୍ୱରୀ ଏହି ସଫଳତା ପାଇଁ ସ୍ୱାମୀ ଅର୍ଧେନ୍ଦୁ ଶେଖର ପାଣିଗ୍ରାହୀ ଓ ପରିବାର ବର୍ଗଙ୍କୁ ଶ୍ରେୟ ଦେଇଛନ୍ତି ।
