ସିଏସକେକୁ ଧକ୍କା : ଆଇପିଏଲ ଉଦଘାଟନୀ ମ୍ୟାଚରୁ ବାଦ ପଡିଲେ ଋତୁରାଜ
ସିଏସକେକୁ ଧକ୍କା : ଆଇପିଏଲ ଉଦଘାଟନୀ ମ୍ୟାଚରୁ ବାଦ ପଡିଲେ ଋତୁରାଜ
admin
2847
ଦୁବାଇ : ଚେନ୍ନାଇ ସୁପରକିଙ୍ଗସର ଖେଳାଳି ଋତୁରାଜ ଗାଏକ୍ୱାଡ କରୋନାରୁ ସୁସ୍ଥ ହୋଇ ନଥିବାରୁ ଆଇପିଏଲର ଉଦଘାଟନୀ ମ୍ୟାଚରୁ ତାଙ୍କୁ ବାଦ ଦିଆଯାଇଛି । ଆସନ୍ତା ୧୯ ତାରିଖରେ ପ୍ରଥମ ମ୍ୟାଚ ଅନୁଷ୍ଠିତ ହେବାକୁ ଯାଉଛି । ଏହି ମ୍ୟାଚ ପୂର୍ବରୁ ଋତୁରାଜଙ୍କ କରୋନା ରିପୋର୍ଟ ନେଗେଟିଭ ଆସିବା ସମ୍ଭାବନା କ୍ଷୀଣ ତେଣୁ ମ୍ୟାନେଜମେଣ୍ଟ ତାଙ୍କୁ ଆଗୁଆ ଦଳରୁ ବାଦ ଦେଇଛି । ଉଲ୍ଲେଖଯୋଗ୍ୟ ଯେ, ଦୀପକ ଚହରଙ୍କ ସହିତ ଋତୁରାଜ ଗାଏକ୍ୱାଡ ମଧ୍ୟ କରୋନାରେ ଆକ୍ରାନ୍ତ ହୋଇଥିଲେ । ରାଇନାଙ୍କ ଅନୁପସ୍ଥିତିରେ ଗାଏକ୍ୱାଡଙ୍କ ଅସୁସ୍ଥତା ମ୍ୟାନେଜମେଣ୍ଟ ପାଇଁ ଚିନ୍ତା ବଢାଇଛି । ତେବେ ଗାଏକ୍ୱାଡ ପରବର୍ତ୍ତୀ ଦୁଇଟି ଟେଷ୍ଟରେ ନେଗେଟିଭ୍ ଆସିଲେ ଦଳରେ ସାମିଲ ହୋଇପାରିବେ ବୋଲି ସିଏସକେ ସିଇଓ କାଶୀ ବିଶ୍ୱନାଥ ପ୍ରକାଶ କରିଛନ୍ତି । ପ୍ରାରମ୍ଭରୁ ଚେନ୍ନାଇ ସୁପରକିଙ୍ଗସର ଦୁଇ ଖେଳାଳି ଏବଂ ୧୧ ଜଣ ସପୋର୍ଟ ଷ୍ଟାଫ କରୋନାରେ ଆକ୍ରାନ୍ତ ହୋଇଥିଲେ । ଏହା ଫଳରେ ଚେନ୍ନାଇ ଦଳକୁ ୬ ଦିନ ଅଧିକ କ୍ୱାରେଣ୍ଟିନରେ ରଖାଯାଇଥିଲା ।
