ସରିଲା କାଳିଆର ଶେଷ କୃତ୍ୟ

Nov 26, 2020 - 08:20 Updated: Nov 26, 2020 - 08:20

5263

କନ୍ଧମାଳ: କନ୍ଧମାଳର ବହୁଚର୍ଚ୍ଚିତ ଯୋଡାମୁଣ୍ଡା ଶିଶୁ କାଳିଆର ମୃତ୍ୟୁ ପରେ ଶୋକାକୂଳ ପରିବେଶ ମଧ୍ୟରେ ସଂପର୍ଣ୍ଣ ହୋଇଛି ଅନ୍ତିମ ସଂସ୍କାର । ନିଜ ଭିଟାମାଟି ମେଲୁପଡାରେ କରାଯାଇଛି ଶବଦାହ । ଗତ କାଲି ରାତି ୯ଟାରେ ଏସିବିରେ ଆଖି ବୁଜିଥିଲା କାଳିଆ । ତାର ମୃତ୍ୟୁ ଖବର ପରେ ଗତକାଲିଠୁ କନ୍ଧମାଳ ଜିଲ୍ଲା ଫିରିଙ୍ଗିଆ ମେଲୁପଡାରେ ଶୋକର ଛାୟା ଖେଳିଯାଇଥିଲା । ଆଜି ଭୋର୍ ୫ଟା ବେଳେ ମେଲୁପଡାରେ ପହଂଚିଥିଲା କାଳିଆର ମୃତଦେହ । ସେଠାରେ ଶୋକାକୂଳ ପରିବେଶ ଭିତରେ ଶେଷ ହୋଇଛି ଶବ ସଂସ୍କାର । କାଳିଆର ବାପା ମୁଖାଗ୍ନି ଦେଇଥିଲେ । ଅନ୍ୟପକ୍ଷରେ କାଳିଆର ମୃତ୍ୟୁ ମାମଲାରେ ପ୍ରତିକ୍ରିୟା ରଖି ସ୍ୱାସ୍ଥ୍ୟମନ୍ତ୍ରୀ ନବ ଦାସ କହିଛନ୍ତି ଏତେ ବଡ଼ ଡ଼ାକ୍ତର ଟିମ୍ କାଳିଆକୁ ବଂଚାଇ ପାରିଲାନି । ଏମ୍ସରୁ ବାହାରିବା ପରେ ତା ଦେହ ଭଲ ନଥିଲା । ତା ଚିକିତ୍ସା ପାଇଁ ବହୁତ ଚେଷ୍ଟା କରାଯାଇଥିଲା । ଏବେ ଜଗା ସୁସ୍ଥ ଅଛି । ଯଦି ତାର ଦେହ ଖରାପ ହୋଇ ବାହାରକୁ ଯିବାର ଆବଶ୍ୟକ ପଡ଼େ ତେବେ ଏମ୍ସ ପଠାଯିବ । ଜଗାର ଚିକିତ୍ସା ପାଇଁ ରାଜ୍ୟ ସରକାର ସବୁ କରିବାକୁ ପ୍ରସ୍ତୁତ ଅଛନ୍ତି । ସେମାନଙ୍କୁ ମନିଟର କରୁଥିବା ଡ଼ାକ୍ତର ଅଶୋକ ମହାପାତ୍ରଙ୍କ ପରାମର୍ଶ ନିଆଯିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।