ସମଲେଶ୍ୱରୀ ଏକ୍ସପ୍ରେସ ଦୁର୍ଘଟଣାଗ୍ରସ୍ତ

Jun 25, 2019 - 12:37 Updated: Jun 25, 2019 - 12:37

6642

ଭୁବନେଶ୍ୱର: ରାୟଗଡା ଖାଦବାଗୁଡାଠାରେ ସମଲେଶ୍ୱରୀ ଏକ୍ସପ୍ରେସ ଦୁର୍ଘଟଣାଗ୍ରସ୍ତ ଘଟିଛି । ଟାୱାର କାରକୁ ଧକ୍କା ଦେବା ପରେ ସମଲେଶ୍ୱରୀ ଏକ୍ସପ୍ରେସରେ ଅଗ୍ନିକାଣ୍ଡ ଲାଗିଛି । ଏକ୍ସପ୍ରେସ ଇଞ୍ଜିନ୍ ଓ ଅନ୍ୟ ୨ଟି ବଗି ଲାଇନଚ୍ୟୁତ ହୋଇଛି । ଳାଇନଚ୍ୟୁତ ହେବା ପରେ ଟ୍ରେନରୁ ବିଚ୍ଛିନ୍ନ ହୋଇଯାଇଛି ଇଞ୍ଜିନ । ରାୟଗଡା ସିଙ୍ଗାପୁର ରୋଡ-କେଉଟଗୁଡା ମଝିରେ ଦୁର୍ଘଟଣା ଘଟିଛି । ଲଗେଜ୍ ଭ୍ୟାନ ଓ ଗୋଟିଏ ଜେନେରାଲ କୋଚ୍ ଲାଇନଚ୍ୟୁତ ହୋଇଛି । ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ କିଛି ଯାତ୍ରୀ ଆହତ ହୋଇଛନ୍ତି । ଘଟଣାସ୍ଥଳରେ ଦମକଳ ଓ ସୁରକ୍ଷା ବାହିନୀ ପହଂଚି ଉଦ୍ଧାର କାର୍ଯ୍ୟରେ ଲାଗିଛନ୍ତି । ସୂଚନା ଅନୁସାରେ ଆଜି ଅପରାହ୍ଣ ପ୍ରାୟ ୪ଟା ୩୦ରେ ଟ୍ରେନ୍‌ ନମ୍ବର ୧୮୦୦୫ ହାଓଡା-ଜଗଦଲପୁର ସମଲେଶ୍ୱରୀ ଏକ୍ସପ୍ରେସ୍‌ ସିଙ୍ଗାପୁର ରୋଡ-କେଉଟଗୁଡ଼ା ମଝିରେ ବିଦ୍ୟୁତ୍‌ ମେଣ୍ଟନାନ୍ସ ଇଂଜିନକୁ ଧକ୍କା ଦେଇଥିଲା। ଏହା ପରେ ଟ୍ରେନ୍‌ ଇଂଜିନରେ ନିଆଁ ଲାଗି ଯାଇଥିଲା। ଦୁର୍ଘଟଣା ପରେ ଟ୍ରେନ୍‌ର ଇଂଜିନ ଗୁଡ଼ିକ ବଗିରୁ ଅଲଗା ହୋଇଯାଇଥିଲା। ମାତ୍ର ଯାତ୍ରୀମାନଙ୍କର କୌଣସି ଅସୁବିଧା ହୋଇ ନାହିଁ। ବିଶାଖାପାଟଣାରୁ ବରିଷ୍ଠ ଅଧିକାରୀମାନେ ଘଟଣାସ୍ଥଳକୁ ଯାଉଥିବା ସୂଚନା ମିଳିଛି।