ଲଜ୍ଜିତ ହେଲେ ବାହୁବଳୀ ପ୍ରଭାସ...!

Jan 28, 2020 - 11:15 Updated: Jan 28, 2020 - 11:15

6257

ନିକଟରେ ଏକ ସାକ୍ଷାତକାରରେ ଅଭିନେତା ପ୍ରଭାସ ‘ବାହୁବଳୀ’ ଚଳଚ୍ଚିତ୍ର ସୁଟି ସମୟର କେତୋଟି ଘଟଣା କହିଛନ୍ତି । ବାହୁବଳୀର ପ୍ରଥମ ଭାଗ ମୁକ୍ତିଲାଭ ଦିନର ଘଟଣା । ସେହିଦିନ ପ୍ରଭାସ, ରାଣା ଡଗୁବତୀ ଓ ନିଦେ୍ର୍ଧଶକ ରାଜମୌଲୀ ତିନିହେଁ ଦିଲ୍ଲୀରେ ଥିଲେ । ପ୍ରଭାସ କହିଛନ୍ତି ତାଙ୍କ ଅଭିନୀତ ଯେ କୌଣସି ଚଳଚ୍ଚିତ୍ରର ମୁକ୍ତିଲାଭ ଦିନ ସେ ଖୁବ ଅସ୍ତବ୍ୟସ୍ତ ହୋଇପଡ଼ନ୍ତି । ବାହୁବଳୀ ମୁକ୍ତିଲାଭ ସମୟରେ ମଧ୍ୟ ସେଇ ସମାନ ଅନୁଭୂତି ଥିଲା । ଏଣୁ ନିଦେ୍ର୍ଧଶକ ରାଜମୌଲୀ ପରାମର୍ଶ ଦେଇଥିଲେ ଯେ ଯଦି ଚଳଚ୍ଚିତ୍ର ଫ୍ଲପ ହେଲା ତେବେ ସେ ମଧ୍ୟ ଆମ ସାଥୀରେ ରହିବା । ଏକୁଟିଆ ମନସ୍ତାପ କରିବା ପରିବର୍ତ୍ତେ ବରଂ ସାଥୀ ହୋଇ ଦୁଃଖ ବାଣ୍ଟିବା । ଯଦି ହିଟ୍ ହେଲା, ସେଭଳି ସ୍ଥିତିରେ ସମସ୍ତେ ପଞ୍ଚତାରକାରେ ପାର୍ଟି କରିବା । ମୁକ୍ତିଲାଭ ଦିନ ପ୍ରଭାସ ଅନ୍ୟମାନଙ୍କ ଫୋନ ଅପେକ୍ଷାରେ ଥାନ୍ତି । ପ୍ରଥମ ଦିନ କିନ୍ତୁ ତାମିଲ ସିନେ ପ୍ରଶଂସକ ଚଳଚ୍ଚିତ୍ରକୁ ଆଦୌ ପସନ୍ଦ କରିନଥିଲେ । ପ୍ରଭାସ କୌଣସି ସୂତ୍ରରୁ ଏଇ ଖବର ପାଇ ତୁରନ୍ତ ଫୋନ ଅଫ କରି ଦେଇ କକ୍ଷରେ ପୁରାଦିନ ରହିଲେ । ତହିଁ ଆରଦିନ ରାଜମୌଲୀ ନିଜେ ଆସି ପ୍ରଭାସଙ୍କୁ ଚଳଚ୍ଚିତ୍ର ହିଟ୍ ସ୍ଥିତି ଅବଗତ କରାଇଥିଲେ । ସେଦିନ ନିଜ ରାଗ ଉପରେ ନିୟନ୍ତ୍ରଣ ରଖିପାରିନଥିବାରୁ ପ୍ରଭାସ ମଧ୍ୟ ଲଜ୍ଜିତ ଅନୁଭବ କରିଥିବାର କହିଛନ୍ତି ।