ରେଳ ମନ୍ତ୍ରଣାଳୟର ନିଷ୍ପତ୍ତି, ଗଡ଼ିବ ଆଉ ୪ ସ୍ୱତନ୍ତ୍ର ଟ୍ରେନ
ରେଳ ମନ୍ତ୍ରଣାଳୟର ନିଷ୍ପତ୍ତି, ଗଡ଼ିବ ଆଉ ୪ ସ୍ୱତନ୍ତ୍ର ଟ୍ରେନ
admin
2858
Lଭୁବନେଶ୍ୱର: ପୂର୍ବତଟ ରେଳପଥ ମଧ୍ୟରେ ଆଉ ୪ଟି ସ୍ୱତନ୍ତ୍ର ଟ୍ରେନ ଚଳାଚଳ କରିବାକୁ ରେଳ ମନ୍ତ୍ରଣାଳୟ ପକ୍ଷରୁ ନିଷ୍ପତ୍ତି ନିଆଯାଇଛି । ପୁରୀ ଭାଲସାଦ ସପ୍ତାହିକ ଏକ୍ସପ୍ରେସ (ଭାୟା ଅନୁଗୁଳ-ଝାରସୁଗୁଡ଼ା-ବିଳାସପୁର-ଜବଲପୁର) ଅକ୍ଟୋବର ୧୫ ରୁ ପ୍ରତି ଗୁରୁବାର ଭାଲସାଦରୁ ଛାଡ଼ିବ ଏବଂ ୧୮ ତାରିଖ ଠାରୁ ପ୍ରି ରବିବାର ପୁରୀରୁ ଛାଡ଼ିବ । ଗସ୍ତ ସମୟରେ ଏହି ଟ୍ରେନ ଭୁବନେଶ୍ୱର, ଢେ଼ଙ୍କାନାଳ, ତାଳଚେର ରୋଡ, ଅନୁଗୁଳ, ସମ୍ବଲପୁର ସିଟି, ଝାରସୁଗୁଡ଼ା ରୋଡ, ଚମ୍ପା, ବିଳାସପୁର ଆଦି ଷ୍ଟେସନରେ ରହିବ ।
ସିକନ୍ଦରାବାଦ-ସାଲିମାର ସ୍ୱତନ୍ତ୍ର ଟ୍ରେନ ଆସନ୍ତା ୧୩ ତାରିଖଠାରୁ ପ୍ରତି ମଙ୍ଗଳବାର ଭୋର ୫ଟା ୪୦ରେ ସିକନ୍ଦରାବାଦରୁ ଏବଂ ୧୪ ତାରିଖଠାରୁ ପ୍ରତି ବୁଧବାର ଅପରାହ୍ନ ୪ଟା ୫ ମିନିଟରେ ସାଲିମାରରୁ ଛାଡ଼ି । ଏହି ଟ୍ରେନ ଓଡ଼ିଶା ମଧ୍ୟରେ ବ୍ରହ୍ମପୁର, ଖୋର୍ଦ୍ଧାରୋଡ, ଭୁବନେଶ୍ୱର, କଟକ, ବାଲେଶ୍ୱର ଷ୍ଟେସନରେ ଅଟକିବ । ସେହିପରି ସିକନ୍ଦରାବାଦ-ବିଶାଖପାଟଣା ସ୍ୱତନ୍ତ୍ର ଟ୍ରେନ ଅକ୍ଟୋବର ୧୭ ଓ ତିରୁପତି ବିଶାଖାପାଟଣା ସ୍ୱତନ୍ତ୍ର ଟ୍ରେନ ୧୪ ତାରିଖଠାରୁ ଚଳାଚଳ କରିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି ।
