ରାଷ୍ଟ୍ରପତି ନିର୍ବାଚନ ଅପେକ୍ଷା ଏହି ଜିନିଷ ସର୍ଚ୍ଚ କରୁଛନ୍ତି ଆମେରିକା ବାସୀ : ଜାଣନ୍ତୁ କଣ
ରାଷ୍ଟ୍ରପତି ନିର୍ବାଚନ ଅପେକ୍ଷା ଏହି ଜିନିଷ ସର୍ଚ୍ଚ କରୁଛନ୍ତି ଆମେରିକା ବାସୀ : ଜାଣନ୍ତୁ କଣ
admin
3855
ନ୍ୟୁୟର୍କ : ବିଶ୍ୱର ସବୁଠୁ ଶକ୍ତିଶାଳୀ ରାଷ୍ଟ୍ର ଆମେରିକାରେ ରାଷ୍ଟ୍ରପତି ନିର୍ବାଚନ ଜାରି ରହିଛି । ତେବେ ଆମେରିକୀୟ ବାସୀ ନିର୍ବାଚନ ଅପେକ୍ଷା ନିଜ ଘର ନିକଟରେ ରହିଥିବା ମଦ ଦୋକାନ ସମ୍ପର୍କରେ ଜାଣିବା ପାଇଁ ଅଧିକ ଉତ୍ସାହ ଦେଖାଇଛନ୍ତି । ରାଷ୍ଟ୍ରପତି ନିର୍ବାଚନରେ ଦୁଇ ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଏବଂ ଜୋ ବିଡେନଙ୍କ ମଧ୍ୟରେ କଡା ଟକ୍କର ହେଉଥିବା ବେଳେ ଆମେରିକୀୟ ବାସୀ କିନ୍ତୁ ଏହାକୁ ନେଇ କୌଣସି ଉତ୍ସାହ ଦେଖାଉନାହାନ୍ତି । ଦ ଆସୋସିଏଟେଡ ପ୍ରେସ ପକ୍ଷରୁ ମିଳିଥିବା ସୂଚନା ଅନୁଯାୟୀ ଡୋନାଲ୍ଡ ଟ୍ରମ୍ପ ଆଲାସ୍କା, ଆରକାନସାସ, କେଣ୍ଟୁକୀ, ଲୁଇଜିଆନା, ମିସିସିପି, ନେବ୍ରାସ୍କା, ନର୍ଥ ଡେକୋଟା, ସାଉଥ ଡେକୋଟା, ଓକଲାହାମା, ଟେନେସୀ, ୱେଷ୍ଟ ଭର୍ଜିନିଆ, ୟୋମିଙ୍ଗ, ଇଣ୍ଡିଆନା ଏବଂ ସାଉଥ କାରୋଲିନାରେ ବିଜୟ ହାସଲ କରିଛନ୍ତି । ସେହିଭଳି ପାରମ୍ପରିକ ଡେମୋକ୍ରାଟିକ ଷ୍ଟେଟ ଗୁଡିକରେ ବିଜୟ ହାସଲ କରିଛନ୍ତି ବିଡେନ । ଏହି ରାଜ୍ୟ ମାନଙ୍କ ମଧ୍ୟରେ କଲରାଡୋ, କନୋକ୍ଟିଟ, ଡେଲବୋର, ଏଲନେ, ମେରୀଲ୍ୟାଣ୍ଡ, ମାସାଚୁଏଟସ, ନ୍ୟୁଜର୍ସି, ନ୍ୟୁ ମେକ୍ସିକୋ, ନ୍ୟୁୟର୍କ, ରୋଡ ଆଇଲ୍ୟାଣ୍ଡ, ଭରମଣ୍ଟଏବଂ ଭର୍ଜିନିଆ ପ୍ରମୁଖ ରହିଛି । ତେବେ ଆମେରିକୀୟ ନ୍ୟୁଜ ୱେବସାଇଟ ବ୍ଲୁମବର୍ଗ ପକ୍ଷରୁ ଏକ ରୋଚକ ତଥ୍ୟ ପ୍ରକାଶ ପାଇଛି । ଏହି ତଥ୍ୟ ଅନୁଯାୟୀ ଲୋକ ରାଷ୍ଟ୍ରପତି ନିର୍ବାଚନ ଅପେକ୍ଷା ନିଜ ଅଞ୍ଚଳରେ ରହିଥିବା ମଦ ଦୋକାନ ସମ୍ପର୍କରେ ଜାଣିବା ପାଇଁ ଅଧିକ ଆଗ୍ରହ ପ୍ରକାଶ କରିବା ସହିତ ଗୁଗୁଲ ସର୍ଚ୍ଚ କରିଛନ୍ତି । ଚଳିତ ବର୍ଷ ରାଷ୍ଟ୍ରପତି ନିର୍ବାଚନରେ କଲରାଡୋ ସମେତ ୬ ରାଜ୍ୟରେ ପ୍ରାୟ ୧୦ କୋଟି ଲୋକ ଅଧିକ ଭୋଟ କରିଛନ୍ତି । ତଥାପି ବି ନିର୍ବାଚନୀ ଫଳାଫଳ ପାଇଁ ଆଗ୍ରହ ପ୍ରକାଶ ନକରିବା ଆଶ୍ଚର୍ଯ୍ୟଜନକ ।
