ପ୍ଲେ ଅଫର ସୁଯୋଗ : ହାଇଦ୍ରାବାଦ ସମ୍ମୁଖରେ ୧୫୦ ରନର ବିଜୟ ଲକ୍ଷ୍ୟ
ପ୍ଲେ ଅଫର ସୁଯୋଗ : ହାଇଦ୍ରାବାଦ ସମ୍ମୁଖରେ ୧୫୦ ରନର ବିଜୟ ଲକ୍ଷ୍ୟ
admin
5065
ଶାରଜା : ଆଇପିଏଲର ଅନ୍ତିମ ଲିଗ ମ୍ୟାଚରେ ହାଇଦ୍ରାବାଦ ସମ୍ମୁଖରେ ୧୫୦ ରନର ବିଜୟ ଲକ୍ଷ୍ୟ ରଖିଛି ମୁମ୍ବାଇ । ଟସ ଜିତି ପ୍ରଥମେ ବୋଲିଂ କରିଥିବା ହାଇଦ୍ରାବାଦ ବୋଲର ମାନେ ନିୟମିତ ୱିକେଟ ଅକ୍ତିଆର କରି ସ୍କୋରକୁ ନିୟନ୍ତ୍ରଣରେ ରଖିଥିଲେ । ପ୍ରତ୍ୟାବର୍ତ୍ତନ କରୁଥିବା ରୋହିତ ଶର୍ମା (୪) ବିଫଳ ହୋଇଥିଲେ । ୱାର୍ଣ୍ଣରଙ୍କ ହାତରେ କ୍ୟାଚ କରାଇ ପ୍ୟାଭିଲିୟନ ଫେରାଇଥିଲେ ସନ୍ଦୀପ ଶର୍ମା । ରୋହିତ ଶର୍ମାଙ୍କ ୱିକେଟ ପତନ ପରେ ସୂର୍ଯ୍ୟ କୁମାର ଯାଦବ(୩୬) ଏବଂ କ୍ୱିଣ୍ଟନ ଡିକକ(୨୫)ଙ୍କ ମଧ୍ୟରେ ୨୭ ରନର ଭାଗିଦାରୀ ହୋଇଥିଲା । ଆକ୍ରମଣାତ୍ମକ ବ୍ୟାଟିଂ କରୁଥିବା ଡିକକ ୨ଟି ଲେଖାଏଁ ଛକ୍କା ଏବଂ ଚୌକା ସହାୟତାରେ ୧୩ଟି ବଲରୁ ୨୫ ରନ୍ ସଂଗ୍ରହ କରି ସନ୍ଦୀପଙ୍କ ଦ୍ୱିତୀୟ ଶିକାର ହୋଇଥିଲେ । ସୂର୍ଯ୍ୟ କୁମାର ଯାଦବ ନିଜ ଇନିଂସରେ ୫ ଚୌକା ସହାୟତାରେ ୩୬ ରନ ସଂଗ୍ରହ କରିଥିଲେ । ଗୋଟିଏ ଓଭରରେ ନଦୀମ ସୂର୍ଯ୍ୟ ଏବଂ କୃଣାଲ ପାଣ୍ଡ୍ୟାଙ୍କୁ ଆଉଟ କରି ମୁମ୍ବାଇକୁ ବ୍ୟାକଫୁଟକୁ ଠେଲି ଦେଇଥିଲେ । ଏହାପରେ ଇଶାନ କିଶନ ୩୦ ବଲରୁ ୩୩ ରନ ସଂଗ୍ରହ କରିଥିଲେ । ତେବେ ଶେଷ ଭାଗରେ କିରନ ପୋଲାର୍ଡଙ୍କ ୪୧ ରନ ବଳରେ ଦଳ ୧୪୯ ରନ ଛୁଇଁଥିଲା । ପୋଲାର୍ଡଙ୍କ ଇନିଂସରେ ୨ଟି ଚୌକା ଏବଂ ୪ଟି ଛକ୍କା ସାମିଲ ଥିଲା । ହାଇଦ୍ରାବାଦ ପକ୍ଷରୁ ସନ୍ଦୀପ ଶର୍ମା ୩୪ ରନ ବିନିମୟରେ ୩ଟି ୱିକେଟ ଅକ୍ତିଆର କରିଥିଲେ । ଶାହବାଜ ନଦୀମ ୧୯ ରନରେ ଦୁଇଟି ୱିକେଟ ଅକ୍ତିଆର କରିଥିଲେ ।
