ରାଜନୀତିରେ ପାଦ ରଖିବେ କି ଦିବ୍ୟଜ୍ୟୋତି!

Oct 22, 2020 - 12:07 Updated: Oct 22, 2020 - 12:07

5207

ଭୁବନେଶ୍ୱର : ଓଡିଶା କଂଗ୍ରେସର ମୁଖ୍ୟ ରହିଥିବା ନିରଞ୍ଜନ ପଟ୍ଟନାୟକ କଂଗ୍ରେସର ମୁଖିଆ ଭାବରେ ନିଜର ତୃତୀୟ ଇନିଂସ ଆରମ୍ଭ କରିଛନ୍ତି । ପୂର୍ବରୁ ନିରଞ୍ଜନ ପଟ୍ଟନାୟକଙ୍କ ସାନପୁଅ ନବଜ୍ୟୋତି ପଟ୍ଟନାୟକ ରାଜନୀତିରେ ପାଦ ରଖି ସାରିଛନ୍ତି । ୨୦୧୯ଲୋକସଭା ନିର୍ବାଚନରେ ବାଲେଶ୍ୱର ଆସନରୁ ନବଜ୍ୟୋତି ନିର୍ବାଚନ ଲଢିଥିଲେ । ତେବେ ନିକଟରେ ନିରଞ୍ଜନଙ୍କ ପୁଅ ଦିବ୍ୟଜ୍ୟୋତି ପ୍ରତ୍ୟକ୍ଷ ରାଜନୀତିରେ ସାମିଲ ହେବାର ଆଭାସ ମିଳିଛି । ନିକଟରେ ରାଜ୍ୟ କଂଗ୍ରେସ ପ୍ରଭାରୀ ଡ. ଏ ଚେଲ୍ଲା କୁମାରଙ୍କୁ ବିମାନ ବନ୍ଦରରେ ସ୍ୱାଗତ କରୁଥିବା ସମୟରେ ଦିବ୍ୟଜ୍ୟୋତିଙ୍କୁ ଦେଖିବାକୁ ମିଳିଥିଲା । ଏହି ଘଟଣା ପରେ ଦିବ୍ୟଜ୍ୟୋତି ରାଜନୀତିରେ ପାଦ ରଖିବା ନେଇ ଆଲୋଚନା ଜୋର ଧରିଛି । ତେବେ ଏ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିନାହିଁ । ସେ ଜଣେ ସଫଳ ବ୍ୟବସାୟୀ ଭାବରେ ରାଜ୍ୟ ଓ ରାଜ୍ୟ ବାହାରେ ସୁନାମ ଅର୍ଜନ କରିଥିବା ବେଳେ, ଦିବ୍ୟଜ୍ୟୋତିଙ୍କ ରାଜନୈତିକ ଜୀବନ କିପରି ରହିବ ତାହା ଆଗକୁ ଜଣା ପଡିବ ।