ରଥ ଟାଣିବେ ସେବାୟତ!
ରଥ ଟାଣିବେ ସେବାୟତ!
admin
4297
ଆଉ କିଛି ଦିନ ପରେ ରଥଯାତ୍ରା । ତେବେ ଚଳିତ ବର୍ଷ ରଥଯାତ୍ରା ହେବ କି ନାହିଁ ସେନେଇ ସ୍ପଷ୍ଟ ହୋଇନାହିଁ । ଅପରପକ୍ଷରେ ସପକ୍ଷ ଓ ବିପକ୍ଷ ଗୋଷ୍ଠୀ ରଥଯାତ୍ରାକୁ ନେଇ ହାଇକୋର୍ଟ ଓ ସୁପି୍ରମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଏଭଳି ଟଣାଓଟରା ଚାଲିଥିବାବେଳେ ରଥ ଟାଣିବାକୁ ସେବାୟତମାନେ ପ୍ରସ୍ତୁତ ବୋଲି ବରିଷ୍ଠ ସେବାୟତ ବିନାୟକ ଦାସ ମହାପାତ୍ର ପ୍ରକାଶ କରିଛନ୍ତି ।
ରଥଯାତ୍ରା ପ୍ରସଙ୍ଗରେ ମନ୍ତ୍ରୀ ଓ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସହ ଶ୍ରୀ ମହାପାତ୍ର ଆଲୋଚନା କରିଛନ୍ତି । ସେ କହିଛନ୍ତିଯେ, ରଥଯାତ୍ରା କିପରି ବିନା ଭକ୍ତରେ ହେବ ସରକାର ତୁରନ୍ତ ଘୋଷଣା କରନ୍ତୁ । କୋଭିଡ଼ ନିୟମମାନି ରଥଯାତ୍ରା କରାଯିବ ବୋଲି ସରକାର କହିବା ଦରକାର । ରଥ ଟାଣିବାକୁ ୧୭ ଶହରୁ ୨ ହଜାର ସେବାୟତ ପ୍ରସ୍ତୁତ ଅଛନ୍ତି । ବଡ଼ଦାଣ୍ଡରେ ପୂର୍ବରୁ ବାଲି ଥିଲା ବୋଲି ହାତୀ ରଥ ଟାଣି ନେଉଥିଲେ । ଏବେ ହାତୀ ମିଳୁନାହାନ୍ତି, କିପରି ରଥ ଟଣାଯିବ ? ସେହିପରି ମେସିନ ବ୍ୟବହାର ମଧ୍ୟ ଠିକ ନୁହେଁ । ସେବାୟତ ଓ ପୁଲିସ ପ୍ରଶାସନ ରଥ ଟାଣିବାକୁ ପ୍ରସ୍ତୁତ ଅଛନ୍ତି । ଶ୍ରୀଜଗନ୍ନାଥଙ୍କୁ ନେଇ ହାଇକୋର୍ଟ କି ସୁପ୍ରିମକୋର୍ଟ ଯିବା ଠିକ ନୁହେଁ । ଏନେଇ ରାଜନୀତି କରିବା ଠିକ ନୁହେଁ । ଭଲରେ ରଥଟଣା ହେବାକୁ ଆମେ ଚାହୁଁଛୁ ବୋଲି ସେ କହିଛନ୍ତି ।
ଅପରପକ୍ଷରେ ରଥ ପ୍ରତିଷ୍ଠା ପାଇଁ ଶ୍ରୀମନ୍ଦିର ପୁରୋହିତଙ୍କୁ ଅନୁମତି ଦିଆଯାଇଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଅନୁମତି ପତ୍ର ଦିଆଯାଇଛି । ଫଳରେ ରଥଯାତ୍ରା ହେବାର ସମ୍ଭାବନା ଅଧିକ ରହିଛି ।
