ରଜ ସାଙ୍ଗରେ ନେଇ ଆସେ ପିଠାପଣାର ଆସର, ରଜ ପୋଡ ପିଠାର ସୁଆଦ ଅତୁଳନୀୟ
ରଜ ସାଙ୍ଗରେ ନେଇ ଆସେ ପିଠାପଣାର ଆସର, ରଜ ପୋଡ ପିଠାର ସୁଆଦ ଅତୁଳନୀୟ
admin
4888
ରଜ ସାଙ୍ଗରେ ନେଇ ଆସେ ପିଠାପଣାର ଆସର । ରଜ ଚାରି ଦିନ ଧରି ଘରେ ବିଭିନ୍ନ ପ୍ରକାର ପିଠା ପଣା ହୋଇଥାଏ । ପୋଡପିଠା, ଚକୁଳି, ମଣ୍ଡା, ଆରିସା, କାକରା, ଖିରି ବାସ୍ନାରେ ମହକି ଉଠେ ରଜ । ପିଠା ମଧ୍ୟରେ ମୁଖ୍ୟ ଆକର୍ଷଣ ହୋଇଥାଏ ପୋଡ ପିଠା । ଏହି ପିଠା ଯେତିକି ସୁଆଦିଆ ଲାଗିଥାଏ, ଏହାକୁ ତିଆରି କରିବା ମଧ୍ୟ ସେତିକି କଷ୍ଟ ।
ଜାଣନ୍ତୁ ଏହାର ପ୍ରସ୍ତୁତି ପ୍ରଣାଳୀ;
ପ୍ରଥମେ ଚାଉଳକୁ ଭିଜାଇ ବାଟି ଦିଅନ୍ତୁ । ଏହାକୁ ଆଣ ଭଳି କରନ୍ତୁ । କିଛି ସମୟ ଛାଡି ଦିଅନ୍ତୁ । ପରେ ଗୁଜୁରାତି ଓ ଡାଳଚିନି ଛେଚା, ଲବଙ୍ଗ, କାଜୁ, କିସମିସ, ଛେନା, ନଡିଆ କୋରା, ଖଣ୍ଡ ନଡିଆ, ଗୋଲ ମରିଚ ଓ କିଛି ଜୁଆଣିକୁ ସେଥିରେ ପକାଇ ଗୋଳାନ୍ତୁ । ଏହାକୁ ଚୁଲି ଉପରେ ବସାଇ ଚିନି ଓ ଲୁଣ ପକାନ୍ତୁ । ଆଣ ଫୁଟି ଆସିଲେ ସେଥିରେ କ୍ଷୀର ପକାନ୍ତୁ ଓ ଭଲ ଭାବେ ଚୁଲି ଉପରେ ଜନ୍ତନ୍ତୁ । ଏହା ପରେ ଏକ ବଡ ଜାଗାରେ ଘସି ନିଆଁ ପକାନ୍ତୁ ତା ଉପରେ କଦଳୀପତ୍ର ପକାଇ ଜନ୍ତା ଆଣକୁ ସେଥିରେ ରଖନ୍ତୁ ଓ କଦଳୀ ପତ୍ର ଘୋଡାଇ ଉପରେ ପୁଣି ଘସି ନିଆଁ ରଖନ୍ତୁ । ପୁଣି ଏହାକୁ ଚୁଲିରେ ବସାଇ ପୋଡନ୍ତୁ । ୪-୫ ଘଣ୍ଟା ଛାଡି ଦିଅନ୍ତୁ । ତାପରେ ଏହାକୁ କଦଳୀପତ୍ରରୁ କାଢି ଦିଅନ୍ତୁ । ପ୍ରସ୍ତୁତ ହୋଇଗଲା ଖାଣ୍ଟି ଓଡିଆ ପୋଡ ପିଠା । ପ୍ରାୟତଃ ଏହାକୁ ରାତିରେ ତିଆରି କରାଯାଇ ସକାଳେ ଖିଆଯାଏ ।
