ଯଦି ଲୋକେ କରୋନା କଟକଣା ନମାନିଲେ ପୁଣି ଲକଡାଉନ
ଯଦି ଲୋକେ କରୋନା କଟକଣା ନମାନିଲେ ପୁଣି ଲକଡାଉନ
admin
2769
ମୁମ୍ବାଇ: ଯଦି ସହରର ଲୋକେ କରୋନା କଟକଣାକୁ ଠିକ୍ ଭାବେ ପାଳନ ନକରନ୍ତି, ତାହାହେଲେ ସହରରେ ପୁଣି ଥରେ ଲକ୍ଡାଉନ କରାଯିବ । ଏଭଳି କହିଛନ୍ତି ମୁମ୍ବାଇ ମହାନଗର ନିଗମ(ବିଏମସି)ର ମେୟର କିଶୋରୀ ପେଡନେକର । ସୋମବାର ମହାରାଷ୍ଟ୍ରରେ ୩୩୬୫ଟି ନୂଆ କରୋନା ମାମଲା ସାମ୍ନାକୁ ଆସିଥିଲା । ଏହା ସମଗ୍ର ଦେଶରେ ସର୍ବାଧିକ ଥିଲା । ୪୨ ଦିନର ବ୍ୟବଧାନ ପରେ କେରଳକୁ ପଛରେ ପକାଇ ମହାରାଷ୍ଟ୍ର ଅଧିକ କରୋନା ମାମଲା ବାହାରୁଥିବା ରାଜ୍ୟଙ୍କ ତାଲିକାରେ ପ୍ରଥମ ସ୍ଥାନ ଅକ୍ତିଆର କରିଥିଲା । ଏହାପରେ ରାଜ୍ୟ ସରକାର କରୋନା ଜନିତ ପରିସ୍ଥିତିକୁ ନେଇ ପେଡନେକର ଚିନ୍ତା ପ୍ରକଟ କରିଛନ୍ତି । ଏହା ପୂର୍ବରୁ ରାଜ୍ୟର ଉପମୁଖ୍ୟମନ୍ତ୍ରୀ ଅଜିତ ପାୱାର କହିଥିଲେ ଯେ ଯଦି କରୋନା ମାମଲା ଏଇଭଳି ବଢ଼ିଚାଲେ, ତାହାହେଲେ ଆମକୁ ଏହାର ଭୟଙ୍କର ପରିଣାମ ଭୋଗ କରିବାକୁ ପଡିବ । ଅଧିକାଂଶ ଲୋକ କରୋନା ଏଡାଇବା ପାଇଁ ଉଦ୍ଦିଷ୍ଟ ଦିଶାନିର୍ଦ୍ଦେଶ ପାଳନ କରୁନଥିବାରୁ ସେ ଚିନ୍ତା ବ୍ୟକ୍ତ କରିବା ସହିତ ପରିସ୍ଥିତି ନିୟନ୍ତ୍ରଣ କରିବା ପାଇଁ କଡା କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ମୁଖ୍ୟମନ୍ତ୍ରୀଙ୍କୁ କହିଥିଲେ ।
