ମୋଦିଙ୍କ ନୂଆ ନାରା ‘ମୁଁ ବି ଚୌକିଦାର’

Mar 17, 2019 - 06:00 Updated: Mar 17, 2019 - 06:00

3179

ଭୁବନେଶ୍ୱର : ରାହୁଲ ଗାନ୍ଧୀଙ୍କୁ କାଉଂଟର କରିବା ପାଇଁ ନୂଆ ତରିକା ଆପଣାଇଛନ୍ତି ନରେନ୍ଦ୍ର ମୋଦି । ଗୋଟିଏ ପଟେ ରାହୁଲ ସାରା ଦେଶ ବୁଲି ‘ଚୌକିଦାର ଚୋର ହୈ’ ବୋଲି ନାରା ଲଗାଇଥିବାବେଳେ ନରେନ୍ଦ୍ର ମୋଦି ଦେଇଛନ୍ତି ନୂଆ ନାରା ‘ମେଁ ଭି ଚୌକିଦାର’ ଅର୍ଥାତ ମୁଁ ବି ଚୌକିଦାର । ନିଜ ସୋସିଆଲ ପେଜରେ ମୋଦି ଉଲ୍ଳେଖ କରିଛନ୍ତିଯେ, ଚୌକିଦାର ଦେଶ ସେବା ପାଇଁ ପ୍ରତିଶ୍ରୁତିବଦ୍ଧ । ତେବେ ମୁଁ ଏକା ନୁହେଁ । ଦୁର୍ନୀତି ଓ ସାମାଜିକ ବ୍ୟାଧି ବିରୋଧରେ ଲଢୁଥିବା ଦେଶର ପ୍ରତ୍ୟେକ ବ୍ୟକ୍ତି ହେଉଛନ୍ତି ଚୌକିଦାର । ଦେଶର ବିକାଶ ପାଇଁ ଯିଏ କଠିନ ପରିଶ୍ରମ କରୁଛନ୍ତି ସେମାନେ ସମସ୍ତେ ଚୌକିଦାର ବୋଲି ମୋଦି କହିଛନ୍ତି । ଏବେ ଦେଶରେ ସମସ୍ତେ ‘ମୁଁ ବି ଚୌକିଦାର’ କହୁଛନ୍ତି ବୋଲି ମୋଦି ଉଲ୍ଲେଖ କରିଛନ୍ତି । ଏନେଇ ଜାରି ଭିଡ଼ିଓରେ ମୁଦ୍ରା ଯୋଜନା, ଉଜ୍ଜ୍ୱଳା ଯୋଜନା ଓ ସ୍ୱଚ୍ଛ ଭାରତ ମିଶନ ଉପରେ ଆଲୋକପାତ କରାଯାଇଛି ।