ମୋଦିଙ୍କ ଟାର୍ଗେଟରେ ପାକିସ୍ତାନ :ଆତଙ୍କବାଦକୁ ସମର୍ଥନ କରୁଥିବା ରାଷ୍ଟ୍ର ଜବାବଦାୟୀ ରହିବା ଉଚିତ
ମୋଦିଙ୍କ ଟାର୍ଗେଟରେ ପାକିସ୍ତାନ :ଆତଙ୍କବାଦକୁ ସମର୍ଥନ କରୁଥିବା ରାଷ୍ଟ୍ର ଜବାବଦାୟୀ ରହିବା ଉଚିତ
admin
2294
ନୂଆଦିଲ୍ଲୀ : ୧୨ ତମ ବ୍ରିକସ ବାର୍ଷିକ ସମ୍ମିଳନୀରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭିଡିଓ କନଫରେନ୍ସିଂରେ ଏହି ସମ୍ମିଳନୀରେ ଯୋଗ ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ଆତଙ୍କବାଦକୁ ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ।
ଆତଙ୍କବାଦ ବର୍ତ୍ତମାନ ସମଗ୍ର ବିଶ୍ୱ ପାଇଁ ବଡ ସମସ୍ୟା ଭାବରେ ଉଭା ହୋଇଛି । ଯେଉଁ ଦେଶ ମାନେ ଆତଙ୍କବାଦରେ ଲିପ୍ତ ଅଛନ୍ତି ଅଥବା ଆତଙ୍କବାଦୀଙ୍କୁ ସହାୟତା କରୁଛନ୍ତି ସେମାନଙ୍କୁ ଜବାବଦାୟୀ ହେବାକୁ ପଡିବ । ଏହା ସହିତ ଆତଙ୍କବାଦକୁ ଯୋଜନାବଦ୍ଧ ଭାବରେ ମୁକାବିଲା କରିବା ଉପରେ ମୋଦି ଗୁରୁତ୍ୱାରୋପ କରିଥିଲେ । ମୋଦି ନାମ ନେଇନଥିଲେ ମଧ୍ୟ ପରୋକ୍ଷରେ ପାକିସ୍ତାନ ଆଡକୁ ଇଙ୍ଗିତ କରିଥିଲେ । ଋଷ ରାଷ୍ଟ୍ରପତି ଭ୍ଲାଦିମିର ପୁତିନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଚୀନ ରାଷ୍ଟ୍ରପତି ସି ଜିନ ପିଙ୍ଗ, ବ୍ରାଜିଲ ରାଷ୍ଟ୍ରପତି ଜୈର ବୋଲସୋନାରୋ ଏବଂ ଦକ୍ଷିଣ ଆଫ୍ରିକା ରାଷ୍ଟ୍ରପତି ସିରିଲ ରାମାଫୋସା ଅଂଶଗ୍ରହଣ କରିଥିଲେ ।
କରୋନା ଭାଇରସ ପରବର୍ତ୍ତୀ କାଳରେ ଭାରତ ଏକ ବିଶ୍ୱ ଶକ୍ତି ଭାବରେ ଉଭା ହେବାକୁ ଯାଉଛି ବୋଲି ମୋଦି ମତ ଦେଇଥିଲେ । ଭାରତର ଟୀକାନିର୍ମାଣ ଏବଂ ବିତରଣ କ୍ଷମତା ମାନବତ୍ୱର ବିକାଶ ଦିଗରେ କାର୍ଯ୍ୟ କରିବ ବୋଲି ଭାରତୀୟ ପ୍ରଧାନମନ୍ତ୍ରୀ କହିଛନ୍ତି । ଆଇଏମଏଫ, ଡବ୍ଲ୍ୟୁଟିଓ ଏବଂ ହୁ ପରି ସଂସ୍ଥା ଗୁଡିକର ପୁନରୁଦ୍ଧାର ସମ୍ପର୍କରେ ମଧ୍ୟ ଯୁକ୍ତି ରଖିଥିଲେ ମୋଦି । ଉଲ୍ଲେଖଯୋଗ୍ୟ ଯେ, କରୋନା ସମୟରେ ମଧ୍ୟ ଋଷ ପକ୍ଷରୁ ଜାନୁୟାରୀ ୨୦୨୦ ପରଠାରୁ ପ୍ରାୟ ୬୦ଟି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ନେଇ ରାଷ୍ଟ୍ରପତିଙ୍କ ପରାମର୍ଶଦାତା ଆଣ୍ଟୋନ କୋବ୍ୟାକୋଭ ମତ ଦେଇଛନ୍ତି । ସେହିପରି ମୋଦି ଏବଂ ସି ଜିନପିଙ୍ଗଙ୍କ ମଧ୍ୟରେ ଏହା ଦ୍ୱିତୀୟ ଭର୍ଚୁଆଲ ବୈଠକ । ଉଭୟ ନେତା ପୂର୍ବରୁ ସାଂଘାଇ କର୍ପୋରେସନ ସମ୍ମିଳନୀରେ ଆଲୋଚନାରେ ଅଂଶଗ୍ରହଣ କରିଥିଲେ ।
