ମୋଦି ଟିକାର ପ୍ରଥମ ଡୋଜ ନେବା ଉଚିତ: କଂଗ୍ରେସ ନେତା
ମୋଦି ଟିକାର ପ୍ରଥମ ଡୋଜ ନେବା ଉଚିତ: କଂଗ୍ରେସ ନେତା
admin
2244
ନୂଆଦିଲ୍ଲୀ: ଭାରତ ବାୟୋଟେକର ‘କୋଭାକ୍ସିନ’ର ଜରୁରୀ ବ୍ୟବହାର ପାଇଁ ଡିସିଜିଆଇ (ଭାରତର ଭେଷଜ ମହାନିୟନ୍ତ୍ରକ) ମଞ୍ଜୁର କରିଛନ୍ତି । କୋଭାକ୍ସିନର ତୃତୀୟ ପର୍ଯ୍ୟାୟ ପରୀକ୍ଷଣ ରିପୋର୍ଟ ଆସିବା ପୂର୍ବରୁ ଡିସିଜିଆଇ ଏହାକୁ ଅନୁମତି ଦେଇଥିବାରୁ ଅନେକ କଂଗ୍ରେସ ନେତା ଏ ନେଇ ପ୍ରଶ୍ନ ଉଠାଇଛନ୍ତି । ବିହାର କଂଗ୍ରେସ ନେତା ଏବଂ ବିଧାୟକ ଅଜିତ ଶର୍ମା ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଜନସାଧାରଣଙ୍କ ମନରେ ବିଶ୍ୱାସ ସୃଷ୍ଟି କରିବା ପାଇଁ ପ୍ରଥମେ ଟିକା ନେବା ଉଚିତ । ରୁଷ ରାଷ୍ଟ୍ରପତି ପୁଟିନ ଏବଂ ଆମେରିକା ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କ ପରି ମୋଦି ମଧ୍ୟ ଟିକାର ପ୍ରଥମ ମାତ୍ରା ନେବା ଉଚିତ । ବିଜେପି ନେତାମାନେ ମଧ୍ୟ ପ୍ରଥମେ କରୋନା ଟିକା ନେବା ଉଚିତ ବୋଲି ସେ କହିଛନ୍ତି । ସିରମ ଏବଂ ଭାରତ ବାୟୋଟେକ ଦ୍ୱାରା ପ୍ରସ୍ତୁତ ଟିକାର ଶ୍ରେୟ ବିଜେପି ନେବାକୁ ଚାହୁଥିବାରୁ ଅଜିତ ଏଥିପାଇଁ ଉକ୍ତ ଦଳକୁ କଡ଼ା ସମାଲୋଚନା କରିଛନ୍ତି ।
