ମେକ୍ସିକୋକୁ ହରାଇଲା ଜାପାନ
ମେକ୍ସିକୋକୁ ହରାଇଲା ଜାପାନ
admin
5651
ଭୁବନେଶ୍ୱର: କଳିଙ୍ଗ ଷ୍ଟାଡିୟମ ହକି କମ୍ପ୍ଳକ୍ସରେ ଚାଲିଥିବା ଏଫଆଇଏଚ ହକି ସିରିଜ ପୁରୁଷ ଫାଇନାଲସର ଶୁକ୍ରବାର ସକାଳେ ଖେଳାଯାଇଥିବା ଗ୍ରୁପ ବି ର ଦ୍ୱିତୀୟ ଲିଗ ମ୍ୟାଚରେ ଜାପାନ ୩-୧ ଗୋଲରେ ମେକ୍ସିକୋକୁ ପରାସ୍ତ କରିଛି । ୩ ମିନିଟରେ ଜାପାନକୁ ଏକ ପେନାଲ୍ଟି କର୍ଣ୍ଣର ମିଳିଥିଲା । ଏହାକୁ ହିରୋଟାକା ଜିଡାନା ଗୋଲରେ ପରିଣତ କରି ଦଳକୁ ୧-୦ରେ ଆଗୁଆ କରିଥିଲେ । ଏହାର କିଛିକ୍ଷଣ ପରେ ମେକ୍ସିକୋ ପକ୍ଷରୁ ଇରିକ ହିର୍ଣ୍ଣାଣ୍ଡେଜ ଗୋଲ ଦେଇ ମ୍ୟାଚକୁ ବରାବର ସ୍ଥିତିକୁ ଆଣିଥିଲେ । ୨୧ ମିନିଟରେ ଜାପାନକୁ ଏକ ପେନାଲ୍ଟି ଷ୍ଟ୍ରାକ ମିଳିଥିଲା । ସୋଟା ୟାମାଡା ଗୋଲ ଦେଇ ଦଳକୁ ୨-୧ରେ ଆଗୁଆ କରିଥିଲେ । ପ୍ରଥମାର୍ଦ୍ଧ ଖେଳ ଶେଷ ସୁଦ୍ଧା ଜାପାନ ୨-୧ ଗୋଲରେ ଆଗୁଆ ରହିଥିଲା । ୩୪ ମିନିଟରେ ଜାପାନ ପକ୍ଷରୁ ହିରୋଟାକା ଜିଡାନା ବ୍ୟକ୍ତିଗତ ଦ୍ୱିତୀୟ ତଥା ଦଳ ପକ୍ଷରୁ ତୃତୀୟ ଗୋଲ ଦେଇଥିଲେ । ଜାପାନ ମ୍ୟାଚ ଜିତି ୩ ପଏଂଟ ହାସଲ କରିଛି । ଅତିଥି ଭାବେ କ୍ରୀଡା ଓ ଯୁବ ସେବା ବିଭାଗ ସଚିବ ବିଶାଳ ଦେବ ଯୋଗଦେଇ ଜାପାନର ହିରୋଟାକା ଜିଡାନାଙ୍କ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ । ଜାପାନ ଶନିବାର ଦକ୍ଷିଣ ଆଫ୍ରିକା ସହିତ ଓ ମେକ୍ସିକୋ ଦଳ ଆମେରିକା ସହିତ ମ୍ୟାଚ ଖେଳିବ ।
