ମୁରଲୀଧରନ ବାୟୋପିକରୁ ଓହରିଲେ ଏହି ଲୋକପ୍ରିୟ ଅଭିନେତା
ମୁରଲୀଧରନ ବାୟୋପିକରୁ ଓହରିଲେ ଏହି ଲୋକପ୍ରିୟ ଅଭିନେତା
admin
4753
ଚେନ୍ନାଇ : ତାମିଲ ଅଭିନେତା ବିଜୟ ସେଥୁପତି ନିଜର ଅପକମିଙ୍ଗ ଫିଲ୍ମରୁ ଓହରି ଯାଇଛନ୍ତି । କିମ୍ବଦନ୍ତୀ ସ୍ପିନର ମୁଥେୟା ମୁରଲୀଧରନ ବାୟୋପିକରୁ ଓହରିଛନ୍ତି ସେଥୁପତି । ୮୦୦ ନାମରେ ନାମିତ ଏହି ଫିଲ୍ମଟି ମୁରଲୀଧରନଙ୍କ ଆତ୍ମଜୀବନି ଉପରେ ଆଧାରିତ । ଫିଲ୍ମକୁ ଏକାଧିକ ରାଜନୈତିକ ଦଳ ପକ୍ଷରୁ ବିରୋଧ କରାଯିବା ପରେ ବିଜୟ ଏହି ିପଲ୍ମରୁ ଓହରି ଯାଇଥିଲେ । ଏଲଟିଟିଇ ସମର୍ଥିତ ରାଜନୈତିକ ଦଳ ଯଥା ଏମଡିଏମକେ, ପିଏମକେ ଏହି ଫିଲ୍ମକୁ ବୟକଟ କରିବା ପାଇଁ ଆହ୍ୱାନ ଦେଇଥିଲେ । ସୋସିଆଲ ମିଡିଆରେ ମଧ୍ୟ ଫିଲ୍ମକୁ ଅନେକ ନକରାତ୍ମକ ମନ୍ତବ୍ୟ ମିଳୁଥିଲା । ଏହି କାରଣରୁ ସେଥୁପତି ଫିଲ୍ମରୁ ଓହରିବାକୁ ନିଷ୍ପତ୍ତି ନେଇଥିଲେ । ମୁରଲୀଧରନଙ୍କ ପୂର୍ବପୁରୁଷ ତାମିଲ ହୋଇଥିଲେ ମଧ୍ୟ ତାମିଲ ମାନଙ୍କ ଉପରେ ହୋଇଥିବା ଅତ୍ୟାଚାର ସମୟରେ ସେ ନୀରବ ରହିଥିଲେ । ଏହି କାରଣ ପାଇଁ ଫିଲ୍ମରୁ ଓହରିବାକୁ ବିଜୟଙ୍କ ଉପରେ ଚାପ ପକାଯାଇଥିଲା । ଶେଷରେ ସୋମବାର ଦିନ ସେଥୁପତି ଏହି ଫିଲ୍ମରୁ ଓହରି ଯାଇଛନ୍ତି ।
