ମହୁଭିଜା ରସୁଣ ଦୂର କରିବ ସଂକ୍ରମିତ ରୋଗ
ମହୁଭିଜା ରସୁଣ ଦୂର କରିବ ସଂକ୍ରମିତ ରୋଗ
admin
6297
ରସୁଣ ଆମ ଦୈନନ୍ଦିନ ଜୀବନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ବିଭିନ୍ନ ପ୍ରକାର ମସଲା ଜାତୀୟ ବ୍ୟଞ୍ଜନ ହେଉ କିମ୍ବା ବିନା ମସଲା ଯଦି ରସୁଣ ଟିକେ ପଡିଯାଏ, ତାର ସ୍ୱାଦ ଦ୍ୱଗୁଣିତ ହୋଇଯାଏ । ସେହିପରି ଆଉ ଏକ ସ୍ୱାସ୍ଥ୍ୟ ଉପକାରୀ ଜିନିଷ ହେଉଛି ମହୁ । ମହୁ ଖାଇବା ଦ୍ୱାରା ଶରୀରରେ ଅନେକ ପ୍ରକାର ରୋଗରୁ ମୁକ୍ତି ମିଳିଥାଏ । କିନ୍ତୁ ଯେତେବେଳେ ଏହି ଦୁଇଟି ଜନିଷ ମିଶିଯାଏ, ଏହାର ସ୍ୱାସ୍ଥ୍ୟ ଉପକାରୀତା ବଢିଯାଏ ।
-ମହୁ ଭିଜା ରସୁଣ ଖାଇବା ଦ୍ୱାରା ଓଜନ ହ୍ରାସ ହୋଇଥାଏ । ରସୁଣ ଗରମ ହୋଇଥଇବାରୁ ଏହାକୁ ମହୁରେ ଭିଜାଇ ଖାଇବା ଦ୍ୱାରା ଥଣ୍ଡା, କାଶ, ନାକ ବନ୍ଦ ଇତ୍ୟାଦି ରୁ ମୁକ୍ତି ଦେଇଥାଏ ।
-ଏହା ଖାଇବା ଦ୍ୱାରା ଶରୀରରେ ଦୁର୍ବଳତା ହ୍ରାସ ପାଇବା ସହ ଏହା ରୋଗ ପ୍ରତିରୋଧକ ଶକ୍ତି ବଢାଇଥାଏ । ଏହା ସହ ଭାଇରାଲ ସଂକ୍ରମଣ, ଲିଭର, ପାଚନ ପାଇଁ ଲାଭଦାୟକ ହୋଇଥାଏ ।
-ଏହା ଶରୀରରେ ଉଚ୍ଚ ରକ୍ତଚାପ କମାଇବା ସହ, କୋଲଷ୍ଟ୍ରୋଲ ପରିମାଣ ନିୟନ୍ତ୍ରଣରେ ରଖିଥାଏ ।
ପ୍ରସ୍ତୁତି: ପ୍ରଥମେ ରସୁଣ ଚୋପା ଛଡେଇ ଦୁଇ ଖଣ୍ଡ କରି କାଟିବେ । ତାପରେ ଏକ ଏୟାର ଟାଇଟ କାଚ ଜାରରେ ମହୁ ନେଇ ସେଥିରେ କାଟି ରଖିଥିବା ରସୁଣ ପକାଇ ଜାର ବନ୍ଦ କରିଦେବେ । ଏହାକୁ ଦିନରେ ଜଳଖିଆ କିମ୍ବା ମଧ୍ୟାହ୍ନ ଭୋଜନ କରିବା ପରେ ଏଥିରୁ ଏକ ପାଖୁଡା ଖାଇ ପାରିବେ । କିନ୍ତୁ ମନେ ରଖିବେ, ଏହାକୁ ଏକାଥରକେ ଅଧିକ ପରିମାଣରେ ସେବନ କରିବେ ନାହିଁ କିମ୍ବା ଦିନକୁ ଏକାଧିକ ଥର ବ୍ୟବହାର କରିବା ଅନୁଚିତ୍ ।
