ଭୋଟ ଦେଲେ ଅବନ୍ତୀ ଦାସ
ଭୋଟ ଦେଲେ ଅବନ୍ତୀ ଦାସ
admin
ଭଦ୍ରକ: ଭୋଟ ଦେଲେ ବିଜେଡି ପ୍ରାର୍ଥୀ ଅବନ୍ତୀ ଦାସ । କିଛି ସମର୍ଥକଙ୍କ ସହ ୭୮ ନମ୍ବର ବୁଥରେ ପହଞ୍ଚି ମତଦାନ କରିଛନ୍ତି ଅବନ୍ତୀ । ଧାମନଗରବାସୀଙ୍କ ମତଦାନକୁ ନେଇ ବେଶ ଆଶାୟୀ ଅଛନ୍ତି ବୋଲି ଅବନ୍ତୀ କହିଛନ୍ତି । ତେବେ ନିଷେଧାଞ୍ଚଳରେ ବିଜେଡି ପ୍ରାର୍ଥୀ ଅବନ୍ତୀ ଦାସଙ୍କ ପ୍ରଚାର ଗାଡ଼ି ବୁଲୁଥିବା ଦେଖିବାକୁ ମିଳିଛି । ଦଳୀୟ ଚିହ୍ନ ଲାଗିଥିବା ଗାଡ଼ିକୁ ଲୋକେ ପ୍ରବଳ ବିରୋଧ କରିଛନ୍ତି । ଯାହାକୁ ନେଇ ଅସନ୍ତୋଷ ଦେଖିବାକୁ ମିଳିଛି । କାଁପଡ଼ା ୭୫ ଓ ୭୭ ନଂ ବୁଥରେ ଅବନ୍ତୀଙ୍କ ଦଳୀୟ ଚିହ୍ନ ଥିବା ଗାଡ଼ିକୁ ଲୋକେ ବିରୋଧ କରିଛନ୍ତି । ବିରୋଧ ପରେ ଉକ୍ତ ଗାଡ଼ି ପଳାଇଥିବାବେଳେ ଅବନ୍ତୀ ଚାଲି ଚାଲି ଯାଇଥିଲେ ।
ପ୍ରକାଶଯେ ଧାମନଗର ଉପନିର୍ବାଚନ ପରିପ୍ରେକ୍ଷୀରେ ଆଜି ମତଦାନ ଜାରି ରହିଛି । ଆଜି ଧାମନଗର ଉପନିର୍ବାଚନ । ସକାଳ ୭ଟାରୁ ମତଦାନ ଆରମ୍ଭ ହୋଇଛି ।ଏହା ସନ୍ଧ୍ୟା ୬ଟା ପର୍ୟ୍ୟନ୍ତ ଚାଲିବ।। ନିଜ ବିଧାୟକ ବାଛୁଛନ୍ତି ଧାମନଗର ବାସୀ। ତେବେ ସକାଳ ୯ଟା ସୁଦ୍ଧା ୧୦.୨୫ ପ୍ରତିଶତ ମତଦାନ ହୋଇଥିବା ସୂଚନା ମିଳିଛି ।
ଧାମନଗର ଉପନିର୍ବାଚନ ପାଇଁ ୨୫୨ ବୁଥ୍ରେ ୧୦୦୮ ପୋଲିଂ ପାର୍ଟି ନିୟୋଜିତ ହୋଇଛନ୍ତି । ପ୍ରତି ବୁଥ୍ରେ ୪ ଜଣ ନିୟୋଜିତ ହୋଇଥିବା ବେଳେ ଶହେ ଜଣ ପୋଲିଂ ଅଫିସରଙ୍କୁ ଯେ କୌଣସି ପରିସ୍ଥିତି ମୁକାବିଲା ପାଇଁ ପ୍ରସ୍ତୁତ କରି ରଖାଯାଇଛି । ବୁଥ୍ର ଶହେ ମିଟର ମଧ୍ୟରେ କେହି ବି କଥାବାର୍ତ୍ତା ହୋଇ ପାରିବେ ନାହିଁ । କୌଣସି ବ୍ୟାନର୍ କିମ୍ବା ପୋଷ୍ଟର୍ ଲଗାଇ ପାରିବେ ନାହିଁ । ନିୟମ ଭଙ୍ଗ କଲେ ଗିରଫ କରାଯିବ ।
ଭୋଟର ପରିଚୟ ପତ୍ର, ଡ୍ରାଇଭିଂ ଲାଇସେନ୍ସ୍, ପାନ୍ କାର୍ଡ଼, ଆଧାର କାର୍ଡ଼ ସମେତ ୧୨ଟି ଅନ୍ୟ ପ୍ରମାଣପତ୍ର ଦେଖାଇ ଭୋଟ ଦେଇପାରିବେ । ୨୫୨ ବୁଥ୍ ମଧ୍ୟରୁ ୧୧୦ ସମ୍ୱେଦନଶୀଳ ବୁଥ ରହିଛି । ସେଥିରୁ ୧୨୬ଟିରେ ୱେବକାଷ୍ଟିଂ ହେବ । ୧୫ଟି ମଡେଲ ବୁଥ ଓ ସହରାଞ୍ଚଳରେ ୫ଟି ପିଙ୍କ୍ ବୁଥ କରାଯାଇଛି । ଯାହା କେବଳ ମହିଳା ଅଧିକାରୀଙ୍କ ଦ୍ୱାରା ପରିଚାଳନା କରାଯାଉଛି ।
ଏହି ନିର୍ବାଚନରେ ବିଜେଡିରୁ ଅବନ୍ତୀ ଦାସ, ବିଜେପିରୁ ଦିବଂଗତ ବିଧାୟକ ବିଷ୍ଣୁ ସେଠୀଙ୍କ ପୁତ୍ର ସୂର୍ୟ୍ୟବଂଶୀ ସୂରଜ, କଂଗ୍ରେସରୁ ବାବା ହରେକୃଷ୍ଣ ସେଠୀ ଓ ବିଜେଡି ଟିକେଟ୍ ନପାଇ ସ୍ୱାଧୀନ ଭାବେ ରାଜେନ୍ଦ୍ର ଦାସ ପ୍ରାର୍ଥୀ ହୋଇଛନ୍ତି । ଏହି ୪ ଜଣଙ୍କ ବ୍ୟତୀତ ଅନ୍ୟ ଜଣେ ପ୍ରାର୍ଥୀ ସ୍ୱାଧୀନ ଭାବେ ପ୍ରାର୍ଥିପତ୍ର ଦାଖଲ କରିଛନ୍ତି । ୨୫୨ଟି ବୁଥ୍ରେ ମୋଟ ୨ ଲକ୍ଷ ୩୮ହଜାର ୪୧୭ ମତଦାତା ସେମାନଙ୍କ ମତ ସାବ୍ୟସ୍ତ କରିବେ । ଏମାନଙ୍କ ମଧ୍ୟରେ ୧ ଲକ୍ଷ ୨୩ ହଜାର ୩୮ ପୁରୁଷ, ୧ ଲକ୍ଷ ୧୫ ହଜାର ୩୪୬ ମହିଳା ଓ ୩୩ ଜଣ ଟ୍ରାନ୍ସଜେଣ୍ଡର ରହିଛନ୍ତି ।
