ଭୁବନେଶ୍ୱର ମୋତେ ମିସ କରୁରଥିବାରୁ ମୁଁ ବହୁତ ଖୁସି : ଅପରାଜିତା
ଭୁବନେଶ୍ୱର ମୋତେ ମିସ କରୁରଥିବାରୁ ମୁଁ ବହୁତ ଖୁସି : ଅପରାଜିତା
admin
4765
ଭୁବନେଶ୍ୱର: ବିଜେପି ସାଂସଦ ଅପରାଜିତା ଷଡ଼ଙ୍ଗୀଙ୍କ ନାମରେ ଭୁବନେଶ୍ୱରେ ମିସିଂ ପୋଷ୍ଟର ଲଗାଯିବା ଘଟଣାରେ ଖୋଦ ଶ୍ରୀମତୀ ଷଡ଼ଙ୍ଗୀ ନିଜର ପ୍ରତିକ୍ରି୍ରୟା ରଖିଛନ୍ତି । ଭୁବନେଶ୍ୱର ମୋତେ ମିସ କରୁରଥିବାରୁ ମୁଁ ବହୁତ ଖୁସି ବୋଲି ଅପରାଜିତା କହିଛନ୍ତି । ଏହାଛଡ଼ା ସେ କହିଛନ୍ତି ଯେ, ମୁଁ ଦିଲ୍ଲୀରେ ରହିବାର କାରଣ ଏବେ ସଂସଦ ଅଧିବେଶନ ଚାଲିଛି । ଆସନ୍ତା ୧୫ ତାରିଖ ଭୁବନେଶ୍ୱର ଫେରିବି । ଘଟଣା ସମ୍ପର୍କରେ ଅନୁଧ୍ୟାନ କରିବି । ଘଟଣାସ୍ଥଳ ପରିଦର୍ଶନ କରିବା ସହ ସମସ୍ତଙ୍କ ସହ କଥା ହୋଇ ପଦକ୍ଷେପ ନେବି ବୋଲି ଅପରାଜିତା କହିଛନ୍ତି ।
ଅନ୍ୟପକ୍ଷରେ ଅପରାଜିତା ଷଡ଼ଙ୍ଗୀଙ୍କ ନାମରେ ଭୁବନେଶ୍ୱରେ ମିସିଂ ପୋଷ୍ଟର ଲଗାଯିବା ଘଟଣାକୁ ନିନ୍ଦା କରିଛନ୍ତି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର । ଏହା ଅସହିଷ୍ଣୁ ଭାବର ପରିଚୟ ବୋଲି ଲେଖାଶ୍ରୀ କହିଛନ୍ତି । ସେହିପରି ସେ କହିଛନ୍ତି ଯେ, ଅପରାଜିତା ସଂସଦରେ ବଜେଟ ଆଲୋଚନାରେ ଭାଗ ନେଉଛନ୍ତି । ମହିଳା ସଶକ୍ତୀକରଣ କରୁଥିବା ବିଜେଡିର ବହୁ ସାଂସଦ ଅନୁପସ୍ଥିତ ରହୁଛନ୍ତି । ଲିଙ୍ଗରାଜ ଐତିହ୍ୟକୁ ବୁଲଡୋଜର ଲଗାଇ ନଷ୍ଟ କରୁଛନ୍ତି ବୋଲି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର କହିଛନ୍ତି ।
