ଭାରତ ଜିତିଲା, ୫-୦ରେ ସିରିଜ କବଜା
ଭାରତ ଜିତିଲା, ୫-୦ରେ ସିରିଜ କବଜା
admin
5615
ନୂଆଦିଲ୍ଲୀ : ପଂଚମ ଟ୍ୱେଂଟିରେ ଟ୍ୱେଂଟିରେ ବାଜିମାତ କରିଛି ଭାରତ । ଏହା ସହ ସିରିଜକୁ କ୍ଲିନସ୍ୱିପ କରି ଇତିହାସ ରଚିଛି ଭାରତୀୟ କ୍ରିକେଟ ଟିମ । ପୂର୍ବ ଦୁଇ ମ୍ୟାଚ ଭଳି ଜିତିବାର ସୁଯୋଗ ସୃଷ୍ଟି କରିଥିଲେ ମଧ୍ୟ ନୁ୍ୟଜିଲାଣ୍ଡ ମୁହଁରୁ ବିଜୟ ଛଡ଼ାଇ ଆଣିବା ପରେ ଭାରତୀୟ ବୋଲର ସଫଳ ହୋଇଥିଲେ । କେଏଲ ରାହୁଲ ମ୍ୟାନ ଅଫ ଦ ସିରିଜ ହୋଇଥିବାବେଳେ ଯଶପ୍ରୀତ ବୁମରା ମ୍ୟାନ ଅଫ ଦ ମ୍ୟାଚ ହୋଇଛନ୍ତି ।
ପ୍ରଥମେ ଟସ ଜିଣିବା ପରେ ଭାରତୀୟ ଟିମ ବ୍ୟାଟିଂ ଆରମ୍ଭ କରିଥିଲା । କୋହଲିଙ୍କ ବିନା ଭାରତୀୟ ଟିମ ମଇଦାନକୁ ଓହ୍ଲାଇଥିଲା । ରୋହିତ ଶର୍ମା ନିଜେ ପାଳି ଓପନିଂ ନକରି କେଏଲ ରାହୁଲ ଓ ସଂଜୁ ସାମସନଙ୍କୁ ପଠାଇଥିଲେ । ମାତ୍ର ୮ରନରେ ସାମସନଙ୍କ ୱିକେଟ ପତନ ପରେ ରୋହିତ ଶର୍ମା ଓ ରାହୁଲ ଉପଯୋଗୀ ଇନିଂସ ଖେଳିଥିଲେ । ଉଭୟ ବ୍ୟାଟ୍ସମ୍ୟାନ ୮୮ ରନ ଭାରତ ଖାତାରେ ଯୋଡ଼ିପାରିଥିଲେ । ରୋହିତ ଶର୍ମାଙ୍କ ୬୦ ରନ, ରାହୁଲଙ୍କ ୪୫ ରନ ଓ ଆୟାରଙ୍କ ୩୩ ରନ ବଳରେ ଭାରତ ୧୬୩ ରନ କରିବାରେ ସମର୍ଥ ହୋଇଥିଲା । ପ୍ରାରମ୍ଭରେ ନୁ୍ୟଜିଲାଣ୍ଡ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ତେବେ ରସ ଟେଲର ଓ ସିଫର୍ଟଙ୍କ ଯୋଡ଼ି ଆକ୍ରମଣାତ୍ମକ ବ୍ୟାଟିଂ କରି ନୁ୍ୟଜିଲାଣ୍ଡର ସ୍ଥିତିକୁ ସୁଦୃଢ଼ କରିଥିଲେ । କିନ୍ତୁ ପୂର୍ବ ମ୍ୟାଚ ଭଳି ଶେଷ ବେଳକୁ ମ୍ୟାଚର ମୋଡ଼ ବଦଳି ଯାଇଥିଲା । ଶେଷ ଭାଗର ନୁ୍ୟଜିଲାଣ୍ଡ ବ୍ୟାଟ୍ସମ୍ୟାନ ମାନେ ଖରାପ ପ୍ରଦର୍ଶନ କରିବାରୁ ପୁଣି ପରାଜୟ ବରଣ କରିବାକୁ ବାଧ୍ୟ ହୋଇଥିଲା ।
