ବୋହୂ ଆତ୍ମହତ୍ୟା କରୁଥିବା ବେଳେ ଶାଶୂଘର ଲୋକେ କଲେ ଏମିତି କାମ , ଜାଣିଲେ ଚକିତ ହେବେ
ବୋହୂ ଆତ୍ମହତ୍ୟା କରୁଥିବା ବେଳେ ଶାଶୂଘର ଲୋକେ କଲେ ଏମିତି କାମ , ଜାଣିଲେ ଚକିତ ହେବେ
admin
6507
ମୁଜାଫରନଗର: ବୋହୂ ଫାଶୀ ଲଗାଇ ଆତ୍ମହତ୍ୟା ଉଦ୍ୟମ କରୁଥିବା ବେଳେ ଶାଶୂଘର ଲୋକେ ତାଙ୍କୁ ଏଥିରୁ ନିବୃତ୍ତ କରିବା ପରିବର୍ତ୍ତେ ସେହି ଘଟଣାର ଭିଡିଓ ରେକର୍ଡ କରିବା ଏବଂ ଇତିମଧ୍ୟରେ ମହିଳାଙ୍କ ମୃତୁ୍ୟ ହେବା ଘଟଣା ଅପରାଧ ପ୍ରବଣ ରାଜ୍ୟ ଉତ୍ତରପ୍ରଦେଶରେ ଚାଞ୍ଚଲ୍ୟ ସୃଷ୍ଟି କରିଛି । ମୁଜାଫରନଗର ଅନ୍ତର୍ଗତ ଦତ୍ତିୟାନା ଅଞ୍ଚଳରେ ଘଟିଥିବା ଏହି ଘଟଣା ସୋମବାର ସାମ୍ନାକୁ ଆସିଛି । ଶାଶୂଘର ଲୋକଙ୍କ ନିର୍ଯାତନା ସହି ନ ପାରି ଜଣେ ମହିଳା ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ରବିବାର ମହିଳା ନିଜ ଓଢ଼ଣୀ ଲଗାଇ ଆତ୍ମହତ୍ୟା କରିଛନ୍ତି । ରବିବାର ମହିଳା ନିଜ ଓଢ଼ଣୀ ଲଗାଇ ଫାଶୀ ଦେଲା ବେଳେ ତାଙ୍କୁ ବଞ୍ଚାଇବା ପରିବର୍ତ୍ତେ ଶାଶୁ ଘର ଲୋକେ ଘରର ଝରକା ବାଟେ ମୋବାଇଲରେ ଏହାର ଭିଡିଓ ରେକଡିଂ କରୁଥିଲେ । ଏହି ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରସାରିତ ହୋଇଛି । ମହିଳାଙ୍କ ବାପଘର ଲୋକଙ୍କଠାରୁ ସୂଚନା ପାଇଁ ପୁଲିସ ଘଟଣାସ୍ଥଳରୁ ମୃତଦେହ ଜବତ କରିଛି । ମହିଳାଙ୍କ ଶାଶୁ ଓ ଶ୍ୱଶୁରଙ୍କୁ ଗିରଫ କରାଯାଇଥିବା ବେଳେ ସ୍ୱାମୀ ଫେରାର ଅଛନ୍ତି । ପୁଲିସ ସେମାନଙ୍କ ବିରୋଧରେ ଯୌତୁକ ନିର୍ଯାତନା ଓ ହତ୍ୟା ମାମଲା ରୁଜୁ କରିଛି । ମୃତ ମହିଳାଙ୍କ ନାମ କୋମଲ । ଦୁଇ ବର୍ଷ ପୂର୍ବେ ତାଙ୍କର ବିବାହ ଆଶିଷଙ୍କ ସହିତ ହୋଇଥିଲା । ଯୌତୁକ ପାଇଁ ଶାଶୁଘର ଲୋକେ ତାଙ୍କ ମାରଧର କରୁଥିଲେ ବୋଲି ବାପର ପକ୍ଷରୁ ଅଭିଯୋଗ ହୋଇଛି ।
