ବିଜେପୁର ଉପନିର୍ବାଚନ: ୨୬ରେ ବିଜେଡି ପ୍ରାର୍ଥୀ ଘୋଷଣା!
ବିଜେପୁର ଉପନିର୍ବାଚନ: ୨୬ରେ ବିଜେଡି ପ୍ରାର୍ଥୀ ଘୋଷଣା!
admin
5412
ଭୁବନେଶ୍ୱର : ବିଜେପୁର ଉପନିର୍ବାଚନ ନେଇ ନବୀନ ନିବାସରେ କସରତ । ପ୍ରାର୍ଥୀ ଚୟନ ପାଇଁ ଗଠିତ କମିଟି ବିଜେଡି ସଭାପତିଙ୍କୁ ଦାୟିତ୍ୱ ଦେଇଛି । ଆଜି ସନ୍ଧ୍ୟାରେ ଅନୁଷ୍ଠିତ ବୈଠକରେ ଉପନିର୍ବାଚନ ଋଣନୀତି ପ୍ରସ୍ତୁତ କରାଯିବା ସହ ପ୍ରାର୍ଥୀ ଚୟନ ନେଇ ଗ୍ରାଉଣ୍ଡ ରିପୋର୍ଟ, ସର୍ଭେ ଓ ଗୁଇନ୍ଦା ତଥ୍ୟ ଆଧାରରେ ୩ ଜଣଙ୍କ ନାମକୁ ବନ୍ଦ ଲଫାପାରେ ସଭାପତି ନବୀନ ପଟ୍ଟନାୟକକୁ କମିଟି ହସ୍ତାନ୍ତର କରିଛି । ବୈଠକ ସମ୍ପର୍କରେ ଗଣମାଧ୍ୟମକୁ କିଛି ବି ସୂଚନା ପ୍ରଦାନ କରାଯାଇନି । ବିଶ୍ୱସ୍ତ ସୁତ୍ରରୁ ମିଳିଥିବା ସୂଚନା ଅନୁଯାୟୀ, ଆସନ୍ତା ୨୬ ତାରିଖ ଦିନ ବିଜେପୁର ଉପନିର୍ବାଚନ ପାଇଁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବେ । ୨୭ କିମ୍ବା ୨୮ ତାରିଖରେ ଉପନିର୍ବାଚନ ପାଇଁ ବିଜେଡି ପ୍ରାର୍ଥୀପତ୍ର ଦାଖଲ କରିବା ନେଇ ଏକପ୍ରକାର ସ୍ଥିର କରାଯାଇଥିବା ଜଣାପଡ଼ିଛି । ବୈଠକରେ ବିଜେପୁର ପାଇଁ ଦାୟିତ୍ୱରେ ଥିବା କମିଟି ସଦସ୍ୟ ସଞ୍ଜୟ ଦାସବର୍ମା, ମନ୍ତ୍ରୀ ନିରଞ୍ଜନ ପୂଜାରୀ, ସୁଶାନ୍ତ ସିଂହ ଓ ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ ଉପସ୍ଥିତ ଥିଲେ ।
