ବିଜୁ ଯୁବ ବାହିନୀ ଖର୍ଚ୍ଚ ୧୦୦ କୋଟି
ବିଜୁ ଯୁବ ବାହିନୀ ଖର୍ଚ୍ଚ ୧୦୦ କୋଟି
admin
3298
ଭୁବନେଶ୍ୱର:ଚଳିତ ନିର୍ବାଚନୀ ବର୍ଷରେ ବିଜୁ ଯୁବ ବାହିନୀ ଖର୍ଚ୍ଚ ଶହେ କୋଟିରୁ ଅଧିକ । ମୋହନ ମାଝୀଙ୍କ ପ୍ରଶ୍ନରେ ଉତ୍ତର ରଖି ଏହି ସୂଚନା ଦେଇଛନ୍ତି ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା ।
ମନ୍ତ୍ରୀ ଶ୍ରୀ ବେହେରାଙ୍କ ସୂଚନା ଅନୁଯାୟୀ ୨୦୧୮-୧୯ରେ ବିଜୁ ଯୁବ ବାହିନୀ ଜରିଆରେ ୧୦୦ କୋଟି ୯୩ ଲକ୍ଷ ଟଙ୍କା ଖର୍ଚ୍ଚ ହୋଇଛି । ସାମାଜିକ ସେବା କାର୍ଯ୍ୟକ୍ରମ ପାଇଁ ୨୨କୋଟି ୯୫ ଲକ୍ଷ ୮୦ ହଜାର ୯୪୭ ଟଙ୍କା ଖର୍ଚ୍ଚ ହୋଇଥିବାବେଳେ ‘ମୁଁ ହିରୋ’ କାର୍ଯ୍ୟକ୍ରମ ପାଇଁ ୧୯ କୋଟି ୩୫ ଲକ୍ଷ ୮୩ ହଜାର ୪୫୫ ଟଙ୍କା ଖର୍ଚ୍ଚ ହୋଇଛି । ସେହିପରି କ୍ରୀଡ଼ା ଉପକରଣ ବଣ୍ଟନ ବାବଦରେ ୩୭ କୋଟି ୨୮ ଲକ୍ଷ ଟଙ୍କା ଖର୍ଚ୍ଚ ହୋଇଛି । ବିଭିନ୍ନ କ୍ରୀଡ଼ାର ଆୟୋଜନ ପାଇଁ ୩ କୋଟି ୩୮ ଲକ୍ଷ ୨୦ ହଜାର ଟଙ୍କା ଖର୍ଚ୍ଚ ହୋଇଛି । ଯୁବ ସମାବେଶ ଆୟୋଜନ ପାଇଁ ୧୭ କୋଟି ୯୬ ଲକ୍ଷ ୩୩୫୦ ଟଙ୍କା ଖର୍ଚ୍ଚ ହୋଇଥିବା ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା ସୂଚନା ଦେଇଛନ୍ତି ।
