ବାଲେଶ୍ୱରରେ ଜିତିଲା ବିଜେଡି, ବିଜେପି ନିରାଶ
ବାଲେଶ୍ୱରରେ ଜିତିଲା ବିଜେଡି, ବିଜେପି ନିରାଶ
admin
2477
ଭୁବନେଶ୍ୱର : ବାଲେଶ୍ୱର ଉପନିର୍ବାଚନରେ ବିଜେଡ଼ି ବାଜିମାତ କରିଛି । ଫଳରେ ଉପନିର୍ବାଚନରେ ବିଜେଡ଼ିର ବିଜୟ ଧାରା ଅବ୍ୟାହତ ରହିଛି । ବାଲେଶ୍ୱରରେ ବିଜେପି ଶାସକ ବିଜେଡ଼ିକୁ କଡ଼ା ଟକ୍କର ଦେଇଥିଲେବି ହରାଇବାରେ ସମର୍ଥ ହୋଇପାରିନାହିଁ । ଅନୁକମ୍ପା ଭୋଟ ସତ୍ୱେ ବିଜେପି ପରାସ୍ତ ହୋଇଛି ।
ବାଲେଶ୍ୱରରେ ଆହୁରି ଦୁଇ ରାଉଣ୍ଡ ଭୋଟ ଗଣତି ରହିଛି । କିନ୍ତୁ ୨୩ ରାଉଣ୍ଡ ସୁଦ୍ଧା ବିଜେଡ଼ି ପ୍ରାର୍ଥୀ ସ୍ୱରୂପ କୁମାର ଦାସ ଯେତିକି ଭୋଟ ପାଇଛନ୍ତି ତାହା ବିଜୟ ପାଇଁ ଯଥେଷ୍ଟ । ସ୍ୱରୂପ ୭୬୨୮୯ ଖଣ୍ଡ ଭୋଟ ପାଇଛନ୍ତି । ଯେତେବେଳେକି ବିଜେପି ପ୍ରାର୍ଥୀ ତଥା ଦିବଂଗତ ବିଧାୟକ ମଦନମୋହନ ଦତଙ୍କ ପୁଅ ମାନସ କୁମାର ଦତଙ୍କୁ ୬୪୭୦୧ ଖଣ୍ଡ ଭୋଟ ମିଳିଛି । ଆଉ ମାତ୍ର ଦୁଇ ରାଉଣ୍ଡ ଭୋଟ ଗଣତି ବାକି ଥିବାବେଳେ ବିଜେଡ଼ି ପ୍ରାର୍ଥୀ ୧୨ ହଜାର ଭୋଟରେ ଆଗୁଆ ରହିଛନ୍ତି ।
ଏଯାବତ ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ କଂଗ୍ରେସ ପ୍ରାର୍ଥୀ ମମତା କୁଣ୍ଡୁଙ୍କୁ ୪୫୮୭ ଖଣ୍ଡ ଭୋଟ ମିଳିଥିବାବେଳେ ସ୍ୱାଧୀନ ପ୍ରାର୍ଥୀ ବେଣୁଧର ବାରିକଙ୍କୁ ୧୧୫୮ ଖଣ୍ଡ ଭୋଟ ମିଳିଛି ।
